ىسىك اۋرۋلارىنا كۇدىك بولعاندا ەمدەۋدى جەدەلدەتۋ ءۇشىن «جاسىل جول» ەرەجەسى ەنگىزىلدى
18 مامىر 12:29

ىسىك اۋرۋلارىنا كۇدىك بولعاندا ەمدەۋدى جەدەلدەتۋ ءۇشىن «جاسىل جول» ەرەجەسى ەنگىزىلدى

نۇر- سۇلتان. قازاقپارات - امبۋلاتوريالىق جاعدايدا كومەك كورسەتۋدىڭ جاڭا قاعيدالارى بەكىتىلدى. بۇل تۋرالى ق ر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى قازاقپارات ءتىلشىسى.

«سونداي- اق، ازاماتتاردىڭ كوپتەگەن وتىنىشتەرىن ەسكەرە وتىرىپ، امبۋلاتوريالىق جاعدايدا كومەك كورسەتۋدىڭ جاڭا قاعيدالارى بەكىتىلدى. وندا جالپى پراكتيكا دارىگەرىنىڭ جولداماسىنسىز كونسۋلتاتسيالىق- دياگنوستيكالىق قىزمەتتەردى تىكەلەي الۋ كوزدەلگەن»، - دەدى ول ورتالىق كوممۋنيكاتسيالار قىزمەتىندە ءوتىپ جاتقان باسپا ءسوز ءماسليحاتىندا.

ءمينيستردىڭ اتاپ وتۋىنشە، ونكولوگيالىق جانە گەماتولوگيالىق اۋرۋلارعا كۇدىك بولعان كەزدە زەرتتەپ- قاراۋ مەن ەمدەۋدى جەدەلدەتۋ ءۇشىن «جاسىل جول» ەرەجەسى ەنگىزىلدى. ياعني قانداي دا ءبىر ىسىك اۋرۋلارىنا كۇدىك بولسا، بارلىق زەرتتەۋلەردى 18 كۇنىڭ ىشىندە ەمحانالاردان ءوتىپ بولۋى كەرەك. ولار: زەرتحانالىق زەرتتەۋلەر، ە ك گ، رەنتگەن، ك ت، م ر ت، ۋلترادىبىستىق جانە ەندوسكوپيالىق زەرتتەۋلەر.

«2025 -جىلعا قاراي 500 مەديتسينالىق- سانيتاريالىق العاشقى كومەك نىسانىن سالۋ، اۋىل تۇرعىندارى مەن بالالارعا ارنالعان پروفيلاكتيكانىڭ جاڭا تاسىلدەرىن ەنگىزۋ، ياعني Check-Up وتكىزۋ، پاتسيەنتكە باعدارلانعان موبيلدىك بريگادالار، ۇزدىك پراكتيكا ورتالىقتارى، اۋرۋلاردى باسقارۋ باعدارلاماسى جەتىلدىرىلەتىن بولادى. كونسۋلتاتسيالىق- دياگنوستيكالىق قىزمەتتەردى كەڭەيتىلۋدە»، - دەدى اجار عينيات.

اۆتور: مارلان جيەمباي


جاڭالىقتار