قونايەۆ قالاسىندا ماساعا قارسى وڭدەۋ جۇمىستارى باستالدى
«17 - مامىردا قونايەۆ قالاسىندا بەزگەك ماساسىنا قارسى وڭدەۋ جۇمىستارى باستالدى. ونىمەن سانيتاريالىق- ەپيدەميولوگيالىق ساراپتاما ورتالىعىنىڭ ماماندارى، قالالىق سانيتاريالىق- ەپيدەميولوگيالىق باقىلاۋ باسقارماسى جانە اكىمدىك وكىلدەرى اينالىسادى. ءىس - شارانىڭ ماقساتى - بەزگەكتى تاسىمالداۋشىلار سانىنىڭ وسۋىنە جول بەرمەۋ. وڭدەۋدىڭ ءبىرىنشى كەزەڭى 17-24 -مامىر ارالىعىنا جوسپارلانىپ وتىر»، - دەلىنگەن الماتى وبلىستىق سانيتاريالىق ەپيدەميولوگيالىق قاداعالاۋ دەپارتامەنتى تاراتقان حابارلامادا.
ۆەدومستۆونىڭ اقپاراتىنا سايكەس، تۇرعىندار اي سايىن جىلى مەزگىلدە تۇرعىن ۇيلەردىڭ جەرتولەلەرىن وڭدەۋى قاجەت.
«كاسىپكەرلەرگە بەرەتىن كەڭەسىمىز، دەمالىس بازالارىنىڭ اۋماقتارىندا ماسالاردىڭ كوبەيۋى مەن تىرشىلىگى ءۇشىن قولايلى جاعداي جاسايتىن سۋ قويماداعى جاعانى وسىمدىكتەردەن (قامىس، بالشىق، بالدىرلار) تازارتا وتىرىپ، ماسالارعا قارسى وڭدەۋدى جۇرگىزۋىڭىزدى سۇرايمىز. جوعارىدا اتالعان شارالاردى ۋاقىتىلى جانە ساپالى وتكىزۋ جاندىكتەردىڭ سانىن ازايتۋعا ىقپال ەتەدى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.
اۆتور: سامال قابىشيەۆا
