وزبەكستاندا كونستيتۋتسيانى جەتىلدىرۋ پروتسەسى باستالدى
بۇل تۋرالى وزبەكستان رەسپۋبليكاسى ءولي ءماجىلىسى زاڭناما پالاتاسىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات مەنشىكتى ءتىلشىسى.
وزبەكستاننىڭ ليبەرال- دەموكراتيالىق پارتياسىنىڭ دەپۋتاتتارى «ارەكەت ستراتەگياسىنان - دامۋ ستراتەگياسىنا» قاعيداسى بويىنشا ازىرلەنگەن جاڭا وزبەكستاننىڭ 2022-2026 -جىلدارعا ارنالعان دامۋ ستراتەگياسىن جۇزەگە اسىرۋدا نەگىزگى زاڭ - وزبەكستان رەسپۋبليكاسىنىڭ كونستيتۋتسياسىن جەتىلدىرۋدىڭ وزەكتى ءمانى بار ەكەنىن اتاپ ءوتتى.
«ميللي تيكلانيش» دەموكراتيالىق پارتياسى فراكسياسىنىڭ مۇشەلەرى وزليدەپ- تەگى ارىپتەستەرى ۇسىنعان كونستيتۋتسيانى جەتىلدىرۋ جونىندەگى ۇسىنىسقا تولىق قولداۋ ءبىلدىردى. دەپۋتاتتار سونداي- اق وزبەكستان رەسپۋبليكاسىنىڭ كونستيتۋتسياسىن جەتىلدىرۋگە باعىتتالعان ناقتى نورمالار اشىقتىق پەن ايقىندىقتى قامتاماسىز ەتە وتىرىپ، رەسپۋبليكانىڭ بارلىق ازاماتتارىنىڭ ۇسىنىستارى مەن پىكىرلەرى نەگىزىندە قالىپتاستىرىلۋى ءتيىس ەكەنىن اتاپ ءوتتى. بىرلەسكەن وتىرىستىڭ قورىتىندىسى بويىنشا وزبەكستان كونستيتۋتسياسىن جەتىلدىرۋ تۋرالى ماسەلەنى ءولي ءماجىلىسىنىڭ كەنگاشي پالاتاسىنا ەنگىزۋ تۋرالى شەشىم قابىلداندى.
اۆتور: اياۋلىم التىنبەك