قازاقستان قۇراماسىنا شاقىرىلعان فۋتبولشىلار انىقتالدى
17 مامىر 22:33

قازاقستان قۇراماسىنا شاقىرىلعان فۋتبولشىلار انىقتالدى

نۇر-سۇلتان. قازاقپارات - قازاقستان ۇلتتىق قۇراماسىنىڭ باس باپكەرى ماگومەد اديەۆ ۇلتتار ليگاسى قارساڭىندا وقۋ-جاتتىعۋ جيىنىنا شاقىرىلعان ويىنشىلاردىڭ كەڭەيتىلگەن ءتىزىمىن جاريالادى، دەپ حابارلايدى قازاقپارات ءتىلشىسى.

قازاقستان فۋتبول فەدەراتسياسى ءمالىم ەتكەندەي، ماۋسىم ايىندا قازاقستان قۇراماسى ۇلتتار ليگاسىنىڭ ءۇشىنشى جارىسىنا قاتىسادى.

ۇلتتىق قۇراما الداعى ايدا ازەربايجان، سلوۆاكيا (2 رەت) جانە بەلارۋس فۋتبولشىلارىمەن وينايدى.

وقۋ-جاتتىعۋ جيىنى 24 - مامىر كۇنى ەلوردادا باستالادى.

قاقپاشىلار:

يگور شاتسكي («شاحتەر»)، مۇحاممەدجان سەيسەن («تاراز»)، بەكحان شايزادا («ورداباسى»)، ستاس پوكاتيلوۆ («اقتوبە»).

قورعاۋشىلار:

سەرگەي مالىي، الەكساندر ماروچكين، باعدات قايىروۆ (بارلىعى - «توبىل»)، يۋري لوگۆينەنكو، تەمىرلان ەرلانوۆ (ەكەۋى دە - «اقتوبە»)، مارات بىستروۆ («احمات»، رەسەي)، نۇرالى ءالىپ («زەنيت»، رەسەي)، ەلدوس احمەتوۆ («تاراز»)، ميحايل گابىشيەۆ («شاحتەر»)، تالعات كوسەپوۆ («استانا»).

جارتىلاي قورعاۋشىلار:

اسحات تاعىبەرگەن، ۆلاديسلاۆ ۆاسيليەۆ، سامات جارىنبەتوۆ (بارلىعى - «توبىل»)، اسلان دارابايەۆ، يسلامبەك قۋات (ەكەۋى دە - «استانا»)، دۋمان نارزىلدايەۆ («كاسپي»)، تيمۋر دوسماعامبەتوۆ («شاحتەر»)، يان ۆوروگوۆسكي («مولەنبەك»، بەلگيا)، عافۋرجان سۇيىمبايەۆ («اقسۋ»)، ەلحان استانوۆ («ورداباسى»)، باۋىرجان بايتانا («تاراز»)، رامازان ورازوۆ، ماكسيم سامورودوۆ، ارمان كەڭەسوۆ (بارلىعى - «اقتوبە»).

شابۋىلشىلار:

ارتۋر شۋشەناچيەۆ («قايرات»)، ابات ايىمبەتوۆ («استانا»)، ايبار جاقسىلىقوۆ («توبىل»)، ابىلايحان جۇمابەك («تاراز»).

ەسكە سالا كەتەيىك، بۇدان بۇرىن فۋتبولدان ەل چەمپيونى «توبىلدىڭ» باس باپكەرى قىزمەتىنەن كەتكەنىن، ەل قۇراماسىنىڭ ۇلتتار ليگاسىنداعى ويىن كەستەسى جاريالانعانىن جازعان بولاتىنبىز.

جاڭالىقتار