21:41, 17 - مامىر 2022 | GMT +6
بىشكەكتە رەسەي ەلشىلىگىنىڭ كولىگى ادام قاعىپ كەتتى
بىشكەك. كابار-قازاقپارات - بۇگىن ەل استاناسىندا جاس گۆارديا بۋلۆارى مەن جىبەك جولى كوشەسىنىڭ قيىلىسىندا جەرگىلىكتى ۋاقىت بويىنشا ساعات 15:20 دا قىرعىزستانداعى رەسەي ەلشىلىگىنىڭ كولىگى ادام قاعىپ كەتتى.
بۇل تۋرالى پاترۋلدىك ميليتسيانىڭ باسپا ءسوز قىزمەتى مالىمدەدى، دەپ حابارلايدى قازاقپارات كابار اگەنتتىگىنە سىلتەمە جاساپ.
ۆەدومستۆونىڭ باسپا ءسوز قىزمەتىنىڭ حابارلاۋىنشا، ەر ادام جولعا جۇگىرىپ شىققان.
ول ماس كۇيدە بولۋى مۇمكىن. ونى جەدەل جاردەم كولىگى الىپ كەتتى.
وقيعا ورنىندا ميليتسيانىڭ پاترۋلدىك قىزمەتى باسقارماسى جۇمىس ىستەۋدە.