الماتى زووباعىندا گيمالاي ايۋىنىڭ قونجىعى ومىرگە كەلدى
17 مامىر 21:28

الماتى زووباعىندا گيمالاي ايۋىنىڭ قونجىعى ومىرگە كەلدى

الماتى. قازاقپارات - الماتى زووباعىندا گيمالاي ايۋىنىڭ تۇڭعىش ءتولى ومىرگە كەلدى، دەپ حابارلايدى قازاقپارات ءتىلشىسى.

قونجىقتىڭ ياشين مەن ۋسسۋري ەسىمدى اتا-اناسى وتكەن جىلدىڭ مامىر ايىندا رەسەيدەن الماتى زووباعىنا اكەلىنگەن.

زووباقتىڭ باسپا ءسوز قىزمەتىنىڭ حابارلاۋىنشا، بۇل - ايۋلار جۇبىنداعى تۇڭعىش ءتول.

«ءبىز بۇعان ەرەكشە قۋانىشتىمىز. كىشكەنتاي قونجىق 18- قاڭتاردا تۋعان. بەس ايداي ول اناسىمەن ارنايى بولمەدە تۇردى. وسى كەزەڭدە ءبىز اناسى مەن قونجىقتى مازالامادىق. ۋسسۋري ءوز قونجىعىنا ەرەكەشە مەيىرىم كورسەتىپ، ءوسىرىپ كەلەدى. قونجىق ءوسىپ، جەتىلىپ، كۇش-قۋات جيناعان سوڭ عانا ولار ۇلكەن قورشاۋعا اۋىستىرىلدى. كەلۋشىلەر قونجىقتى سول جەردەن كورە الادى»، - دەدى زووباق قىزمەتكەرلەرى.

زووباقتىڭ باسپا ءسوز قىزمەتى قونجىققا ەندى جاقسى ەسىم قويۋ ءۇشىن الەۋمەتتىك جەلىدە وقىرمانداردان جاقسى نۇسقالاردى جازىپ، ۇسىنىس-پىكىرلەر قالدىرۋدى سۇرادى.

«جاقسى قويىلعان اتتى جىرتقىشتار ءبولىمىنىڭ ايۋلارعا قارايتىن ماماندارى تاڭداپ الادى. ناتيجەسىن بىرەر كۇننەن سوڭ ستوريسىمىزدە جاريالايمىز»، - دەپ حابارلادى زووباقتىڭ باسپا ءسوز قىزمەتى.

ەسكە سالايىق، وسىعان دەيىن الماتى زووباعىندا كەنگۋرۋ دۇنيەگە كەلدى جانە الماتى زووباعىنداعى جانۋارلار جازعى ۆولەرگە كوشىرىلدى.

سونداي-اق، الماتى زووباعىندا ەكى كەلەڭسىز جاعداي ورىن العان ەدى.

اتاپ ايتقاندا، زووباقتان مايمىل قاشىپ كەتپەك بولدى جانە ەكى جىگىت الماتى زووباعىنداعى جولبارىستى ىزالاندىرعان بولاتىن.

جاڭالىقتار