20:44, 17 - مامىر 2022 | GMT +6
ءمينيستردىڭ كەڭەسشىسى پارا الدى دەگەن كۇدىكپەن ۇستالدى
بىشكەك. كابار-قازاقپارات - قىرعىزستاننىڭ ۇلتتىق قاۋىپسىزدىك مەملەكەتتىك كوميتەتى ەلدىڭ دەنساۋلىق ساقتاۋ ءمينيسترىنىڭ كەڭەسشىسىن بوپسالاپ پارا الدى دەگەن كۇدىكپەن ۇستادى، دەپ حابارلايدى قازاقپارات كابار اگەنتتىگىنە سىلتەمە جاساپ.
ۇلتتىق قاۋىپسىزدىك مەملەكەتتىك كوميتەتى حابارلاعانداي، بيىلعى جىلدىڭ 17- مامىرىندا بىشكەك قالاسىنىڭ اۋماعىندا جۇرگىزىلىپ جاتقان جەدەل-ىزدەستىرۋ شارالارى اياسىندا قىرعىز رەسپۋبليكاسى دەنساۋلىق ساقتاۋ ءمينيسترى ا. بەيشەناليەۆتىڭ كەڭەسشىسى، 1993-جىلى تۋعان تىلەكوۆا مەرىم تىلەك قىزىنىڭ ناقتى قايدا ەكەنى انىقتالعان.
ول قىرعىز رەسپۋبليكاسىنىڭ ق ك 343-بابىندا كوزدەلگەن (بوپسالاپ پارا الۋ) قىلمىس بەلگىلەرى بويىنشا تەرگەۋگە دەيىنگى تەكسەرۋ ماتەريالدارى اياسىندا ودان ءارى تەرگەۋ ارەكەتتەرىن ۇيىمداستىرۋ ءۇشىن ۇستالىپ، قاراكول قالاسىنا جەتكىزىلدى.
قازىرگى ۋاقىتتا ءتيىستى جەدەل-تەرگەۋ شارالارى ءجۇرىپ جاتىر.