مەملەكەت باسشىسىنىڭ تۋعان كۇنىنە وراي قۇتتىقتاۋلار كەلىپ جاتىر
«قازاقستان پرەزيدەنتىنىڭ تۋعان كۇنىنە بايلانىستى شەت مەملەكەتتەردىڭ باسشىلارىنان، پارلامەنت ءتوراعالارىنان، ۇكىمەت باسشىلارىنان جانە شەتەلدىك مەملەكەتتىك ورگانداردىڭ، حالىقارالىق ۇيىمدار مەن ديپلوماتيالىق ميسسيالاردىڭ، كوممەرتسيالىق مەكەمەلەردىڭ جەتەكشىلەرىنەن، شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ جاتىر.
اتاپ ايتقاندا، رەسەي پرەزيدەنتى ۆلاديمير پۋتين، ق ح ر ءتوراعاسى شي جينپيڭ، تۇركيا پرەزيدەنتى رەجەپ تايپ ەردوعان، بەلارۋس پرەزيدەنتى الەكساندر لۋكاشەنكو، قىرعىزستان پرەزيدەنتى سادىر جاپاروۆ، تۇرىكمەنستان حالىق ءماسليحاتىنىڭ ءتوراعاسى گۋربانگۋلى بەردىمۇحامەدوۆ، كورەيا رەسپۋبليكاسىنىڭ پرەزيدەنتى يۋن سوك ەل، رەسەي ۇكىمەتىنىڭ ءتوراعاسى ميحايل ميشۋستين، رەسەي فەدەرالدى جينالىسى فەدەراتسيا كەڭەسىنىڭ ءتوراعاسى ۆالەنتينا ماتۆيەنكو، رەسەي فەدەراتسياسى مەملەكەتتىك دۋماسىنىڭ ءتوراعاسى ۆياچەسلاۆ ۆولودين، ەۋرازيالىق ەكونوميكالىق كوميسسيا القاسىنىڭ ءتوراعاسى ميحايل مياسنيكوۆيچ، تۇركى مەملەكەتتەر ۇيىمىنىڭ باس حاتشىسى باعدات امىرەيەۆ، ت م د اتقارۋ كوميتەتىنىڭ ءتوراعاسى - اتقارۋشى حاتشىسى سەرگەي لەبەديەۆ، ت م د- عا مۇشە مەملەكەتتەردىڭ پارلامەنتارالىق اسسامبلەياسى كەڭەسىنىڭ باس حاتشىسى دميتري كوبيتسكي، ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاس جانە باسقالار قۇتتىقتاۋ جەدەلحاتتارىن جولدادى»، - دەپ جازدى اقپارات كوزى.
سونىمەن قاتار قاسىم-جومارت توقايەۆتى تۋعان كۇنىمەن وزبەكستان پرەزيدەنتى شاۆكات ميرزيەيەۆ، تۇرىكمەنستان پرەزيدەنتى سەردار بەردىمۇحامەدوۆ، تاجىكستان پرەزيدەنتى ەمومالي راحمون جانە ازەربايجان پرەزيدەنتى يلحام اليەۆ تەلەفون ارقىلى قۇتتىقتادى.
قۇتتىقتاۋلار ءالى دە كەلىپ ءتۇسىپ جاتىر.