ليونەل مەسسي جاڭا كلۋبتى تاڭدادى

None
None
نۇر-سۇلتان.قازاقپارات - فۋتبولدان «پاري سەن- جەرمەن» كلۋبى مەن ارگەنتينا قۇراماسىنىڭ شابۋىلشىسى ليونەل مەسسي بولاشاعىنا قاتىستى شەشىم قابىلدادى، دەپ حابارلايدى «قازاق سپورتى».

Diario AS مالىمەتىنشە، 34 جاستاعى فۋتبولشى 2023 -جىلدىڭ جازىندا «ينتەر مايامي» كلۋبىنا اۋىسپاق. مەسسي اتالعان امەريكاندىق كلۋبتىڭ باسشىلارىنىڭ بىرىنە اينالادى. بۇل جوبادا انگليا مەن «مانچەستەر يۋنايتەدتىڭ» بۇرىنعى ويىنشىسى دەۆيد بەكحەم دە بارىن ايتا كەتۋ كەرەك. ارگەنتينالىق «ينتەر مايامي» اكسيالارىنىڭ 35 پروتسەنتىن ساتىپ الۋدى جوسپارلاپ وتىر. قازىر تاراپتار كەلىسىمگە كەلىپ ۇلگەرگەن. مەسسي پ س ج ساپىندا 2021 -جىلدىڭ جازىنان بەرى ونەر كورسەتىپ كەلەدى. بۇل ماۋسىمدا ول 33 ماتچتا 11 گول سوعىپ، تاعى 13 ناتيجەلى پاس بەردى. كەلىسىمشارت كەلەسى ماۋسىمنىڭ سوڭىندا اياقتالادى.

www.24.kz

سوڭعى جاڭالىقتار