جاز قانداي بولادى؟
17 مامىر 17:21

جاز قانداي بولادى؟

نۇر-سۇلتان.قازاقپارات - كەلەر جاز اۋا رايىنىڭ تۇراقسىز سيپاتى بار كۇندەرمەن - نوسەر جاڭبىرلى، نايزاعايلى جانە جەلدى، سونداي- اق اشىق كۇندەرمەن سيپاتتالادى.

جازعى كونسۋلتاتيۆتىك ماۋسىمدىق بولجامعا سايكەس، جازدىڭ العاشقى ەكى ايىندا رەسپۋبليكانىڭ باتىس جارتىسىندا اۋا تەمپەراتۋراسى نورمادان جوعارى، ال ەلدىڭ شىعىس جارتىسىندا — نورماعا جاقىن بولادى دەپ بولجانۋدا.

تامىز ايى سالقىن بولادى دەپ كۇتىلۋدە — قازاقستاننىڭ كوپتەگەن وبلىستارىندا تەمپەراتۋرالىق فون كليماتتىق نورما شەگىندە بولماق، نورمادان جوعارى تەك قازاقستاننىڭ شەتكى سولتۇستىگىندە عانا بولادى دەپ بولجانادى. ماۋسىم ايىندا قازاقستاننىڭ باسىم بولىگىندە جاۋىن- شاشىن نورمادان از بولادى، رەسپۋبليكانىڭ سولتۇستىك- شىعىس جارتىسىندا، ەلدىڭ وڭتۇستىگى مەن وڭتۇستىك- شىعىسىنىڭ تاۋلى جانە تاۋ بوكتەرىندەگى اۋداندارىندا جاڭبىر جاۋۋى ىقتيمال.

شىلدە مەن تامىز ايلارىندا بولسا كەرىسىنشە، ەلدىڭ كوپ بولىگىندە جاۋىن- شاشىن بولادى — كليماتتىق نورماعا جاقىن.

انىقتاما: ماۋسىمدىق اۋا رايى بولجامى، قارالىپ وتىرعان ماۋسىم ءۇشىن كليماتتىق شامالاردان اۋىتقۋ (انوماليالار) تۇرىندە (كوپجىلدىق نورما) كورسەتىلگەن ورتاشالانعان مەتەورولوگيالىق پارامەترلەردىڭ (اۋا تەمپەراتۋراسى مەن جاۋىن- شاشىن مولشەرى) سيپاتتاماسىن بىلدىرەدى. جارتىجىلدىققا ارنالعان ماۋسىمدىق بولجام جىلىنا ەكى رەت جاسالادى:

15-قازان سۋىق جارتىجىلدىققا (قاراشا- ناۋرىز)، 15-ناۋرىز جىلى جارتىجىلدىقتا (ءساۋىر- قازان). ماۋسىمدىق بولجام جىلىنا 4 رەت ناقتىلانادى:

قىس، كوكتەم، جاز جانە كۇزگە ارنالعان بولجامدار. 15-اقپاندا كوكتەمگە (ناۋرىز- مامىر)؛ 15 -ناۋرىزدا جىلى كەزەڭگە (ءساۋىر- قازان)؛

15-مامىردا جازعا (ماۋسىم- تامىز)؛ 15-تامىزدا كۇزگە (قىركۇيەك- قاراشا)؛ 15-قازاندا سۋىق كەزەڭگە (قاراشا- ناۋرىز)؛ 15-قاراشادا قىستا (جەلتوقسان- اقپان).

www.24.kz

جاڭالىقتار