تۇركىستان وبلىسىندا جەر قويناۋىن زاڭسىز پايدالانۋشىلار ازايماي وتىر

None
None
تۇركىستان. قازاقپارات- جىل باسىنان بەرى تۇركىستان وبلىسىندا جەر قويناۋىن زاڭسىز پايدالانۋعا قاتىستى 18 زاڭ بۇزۋشىلىق انىقتالعان.

ناتيجەسىندە 5 ازامات تارتىپتىك جاۋاپكەرشىلىككە، 16 ادام اكىمشىلىك جاۋاپكەرشىلىككە تارتىلدى، دەپ حابارلايدى قازاقپارات ءتىلشىسى.

موبيلدىك توپپەن جۇرگىزىلگەن رەيدتىك جۇمىستار بارىسىندا 16 تاسىمالداۋشىعا 2056483 تەڭگە كولەمدە ايىپپۇل سالىنعان. جۇرگىزۋشىلەردە پايدالى قازبالاردىڭ شىعۋ تەگىن نەگىزدەۋشى قۇجاتتار مۇلدە بولماعان.

سونداي- اق، 21 سۋ قورعاۋ بەلدەۋىندە ورنالاسقان تابيعات پايدالانۋشىلاردىڭ كەلىسىم- شارتتارى ۋاقىتشا توقتاتىلسا، 9 كەلىسىم- شارت بۇزىلعان. 12 تابيعات پايدالانۋشىنىڭ تاۋ- كەن نۇكتەلەرى وزگەرتىلىپ، سۋ قورعاۋ بەلدەۋى اۋماعىنان شىعارىلعان.

«بيىل 12 ءىس قۇجاتتار پروتسەسستىك شەشىم قابىلداۋ ءۇشىن پوليسياعا جولدانىپ، قىلمىستىق كودەكستىڭ 334-بابىمەن سوتقا دەيىنگى تەرگەپ- تەكسەرۋ باستالدى. وسى ءىس ارەكەتتەردەن قورشاعان ورتاعا 3,7 ميلليارد تەڭگە زالال كەلگەن»، - دەدى، تۇركىستان وبلىسىنىڭ مامانداندىرىلعان تابيعات قورعاۋ پروكۋرورى سەرىك ابديەۆ.

اۆتور قايرات زاينيشيەۆ

سوڭعى جاڭالىقتار