ا ق ش اسكەري اۋە كۇشتەرى گيپەردىبىستىق زىمىراندى سىناقتان وتكىزدى

نۇر- سۇلتان. قازاقپارات – ا ق ش اسكەري اۋە كۇشتەرى باعدارلاماداعى كىدىرىستەر تۋرالى حابارلانعاننان سوڭ ءبىر ايدان كەيىن گيپەردىبىستىق زىمىراندى سىناقتان ءساتتى وتكىزدى.

بۇل تۋرالى قازاقپارات edition.cnn.com-عا سىلتەمە جاساپ حابارلايدى. اۋە نەگىزىندەگى جەدەل ارەكەت ەتۋ قارۋى (ARRW) 14- مامىردا وڭتۇستىك كاليفورنيا جاعالاۋىنداعى B-52H بومبالاۋشىسىنان ءساتتى اتىلدى جانە 5 ماح نەمەسە دىبىس جىلدامدىعىنان 5 ەسە جوعارى گيپەردىبىستىق جىلدامدىققا جەتتى.

«بۇل قارۋ- جاراق كاسىپورنى مەن ءبىزدىڭ اۋە كۇشتەرى ءۇشىن جانە ARRW كومانداسىنىڭ ۇلكەن جەتىستىگى بولدى»، - دەدى ا ق ش اسكەري- اۋە كۇشتەرىنىڭ قارۋ- جاراق باعدارلاماسى جونىندەگى اتقارۋشى ديرەكتورى، بريگادير گەنەرال حيت كوللينز.

پەنتاگون ا ق ش- تىڭ قىتاي جانە رەسەي باعدارلامالارىنان ارتتا قالۋىنا بايلانىستى گيپەردىبىستىق قارۋدى دامىتۋعا كوپ كوڭىل ءبولدى.