ەلىمىزدە پارا بەرۋ تۋرالى ۋادە-ۇسىنىس ءۇشىن قىلمىستىق جاۋاپكەرشىلىك ەنگىزىلمەك
سىبايلاس جەمقورلىققا قارسى ءىس- قيمىل اگەنتتىگىنىڭ سولتۇستىك قازاقستان وبلىسى بويىنشا دەپارتامەنتى ءباسپاسوز قىزمەتىنىڭ مالىمەتىنشە، ۆەدومستۆو باسشىسىنىڭ ءبىرىنشى ورىنباسارى نۇرلان جاحين عابيت مۇسىرەپوۆ اتىنداعى جانە ايىرتاۋ اۋداندارىندا تۇرعىندارمەن كەزدەستى. وعان مەملەكەتتىك قىزمەتشىلەر، جۇرتشىلىق، جاستار، سونداي- اق كومپلاەنس- وفيتسەرلەر قاتىستى. بۇگىندە اۋدانداردا ءارتۇرلى كۆازيمەملەكەتتىك سەكتور ۇيىمدارىنىڭ 15 كومپلاەنس- وفيتسەرى قىزمەت ەتەدى. ولار قىزمەتكەرلەردىڭ سىبايلاس جەمقورلىققا قارسى زاڭنامانى، سونداي- اق كورپوراتيۆتىك ادەپ كودەكسىن ساقتاۋىن باقىلاۋدى قامتاماسىز ەتىپ، انىقتالعان سىبايلاس جەمقورلىق تاۋەكەلدەرىن جويۋ جونىندە شارالار قابىلدايدى. جيىن بارىسىندا 2022-2026 -جىلدارعا ارنالعان سىبايلاس جەمقورلىققا قارسى ساياسات تۇجىرىمداماسى اياسىنداعى جاڭاشىلدىقتار تۋرالى ايتىلدى.
«تۇجىرىمدامانى مەملەكەت باسشىسى سىبايلاس جەمقورلىققا قارسى ءىس- قيمىل سالاسىنداعى نەگىزگى ماسەلەلەردى شەشۋ ءۇشىن بەكىتتى. قۇجات اياسىندا اگەنتتىك زاڭنامالىق اكتىلەرگە سىبايلاس جەمقورلىققا قارسى ءىس- قيمىل ماسەلەلەرى بويىنشا جانە اقبتك- نە وزگەرىستەر مەن تولىقتىرۋلار ەنگىزۋدى جوسپارلاپ وتىر. اتالعان كونسۋلتاتيۆتىك قۇجاتتار «اشىق ن ق ا» ينتەرنەت- پورتالىندا تالقىلاۋ ءۇشىن ورنالاستىرىلعان»، - دەدى نۇرلان جاحين.
زاڭ جوبالارىنا سىبايلاس جەمقورلىققا قارسى ءىس- قيمىل شارالارى جۇيەسىنە سىبايلاس جەمقورلاردىڭ جاريا ءتىزىلىمىن ەنگىزۋ، پارا بەرۋ تۋرالى ۋادە- ۇسىنىس ءۇشىن قىلمىستىق جاۋاپكەرشىلىك ەنگىزۋ، سىبايلاس جەمقورلىققا قارسى ءىس- قيمىل شارالارىن قابىلداماعانى ءۇشىن جاۋاپكەرشىلىكتىڭ قۇقىقتىق تەتىكتەرىن جەتىلدىرۋ، سىبايلاس جەمقورلىق قۇقىق بۇزۋشىلىقتار جاساعانى ءۇشىن زاڭدى تۇلعالاردىڭ جاۋاپكەرشىلىگىن كۇشەيتۋ، سىبايلاس جەمقورلىق اكىمشىلىك قۇقىق بۇزۋشىلىقتار ءۇشىن ءوتۋ مەرزىمىن ۇلعايتۋ جانە تاعى باسقالار جوسپارلانعان. كونسۋلتاتيۆتىك قۇجاتتار 3-ماۋسىمعا دەيىن جاريا تالقىلاۋعا ۇسىنىلعان، تۇرعىندار وعان قاتىسىپ، ءوز ويلارىن بىلدىرە الادى.
اۆتور: اقەركە داۋرەنبەك قىزى