ءۇش ادام كاسپي تەڭىزىنە باتىپ كەتتى
16 مامىر 20:47

ءۇش ادام كاسپي تەڭىزىنە باتىپ كەتتى

اقتاۋ. قازاقپارات - ماڭعىستاۋ وبلىسىندا ءۇش ادام سۋعا كەتتى، دەپ حابارلايدى قازاقپارات. بۇل جايىندا وبلىستىق توتەنشە جاعدايلار دەپارتامەنتى ازاماتتىق قورعاۋ باسقارماسىنىڭ باستىعى سايات باتتالوۆ ءمالىم ەتتى.

ونىڭ ايتۋىنشا، بۇگىن ساعات 17.32 كەزىندە قۇتقارۋ قىزمەتىنە كۋاگەرلەر حابارلاسىپ، اقتاۋ قالاسىنىڭ 4-مولتەكاۋدانىندا، شومىلۋعا رۇقسات ەتىلمەگەن جەردە ءتورت ادامنىڭ كاسپي تەڭىزىنە باتىپ بارا جاتقانىن جەتكىزگەن. ونىڭ بىرەۋىن سول ماڭداعى ادامدار جاعاعا شىعارىپ ۇلگەرگەن. ءۇش ادامدى قۇتقارۋ مۇمكىن بولمادى.

«قۇتقارۋ جۇمىسىنا قولايسىز اۋا رايى كەدەرگى جاسادى. كۇشتى جەلدەن تەڭىز بەتىندە ۇلكەن- ۇلكەن تولقىندار كوتەرىلدى. سوندىقتان قازىر ىزدەۋ جۇمىسى تەك تەڭىز جاعالاۋىندا جۇرگىزىلىپ جاتىر»، - دەپ اتاپ ءوتتى ازاماتتىق قورعاۋ باسقارماسىنىڭ باستىعى.

قۇتقارىلعان 1996 -جىلى تۋعان بەينەۋ اۋىلىنىڭ تۇرعىنى اۋرۋحاناعا جەتكىزىلدى، جاعدايى ءبىرقالىپتى. 1999 -جىلى تۋعان ءبىر ازامات پەن قاراعاندى قالاسىنىڭ 2 تۇرعىنى سۋعا كەتتى. ولاردىڭ جەكە باسى انىقتالىپ جاتىر. 19.58 كەزىندە قاراعاندىنىڭ ءبىر تۇرعىنىنىڭ دەنەسى سۋدان شىعارىلدى. وقيعا ورنىندا 10 قۇتقارۋشى جانە 2 تەحنيكا، 3 دارىگەر جۇمىس ىستەپ جاتىر. قۇتقارۋشىلار سۋعا تۇسۋگە ارنالماعان جەردە شومىلماعان ءجون ەسكەنىن ەسكە سالادى.

اۆتور: جانات قاپالبايەۆا

جاڭالىقتار