ماسكەۋدە ۇ ق ش ۇ- عا مۇشە ەلدەر باسشىلارىنىڭ كەزدەسۋى باستالدى

نۇر-سۇلتان. قازاقپارات - ماسكەۋدە ق ر پرەزيدەنتى قاسىم-جومارت توقايەۆتىڭ قاتىسۋىمەن ۇجىمدىق قاۋىپسىزدىك شارتى ۇيىمىنىڭ جيىنى ءوتىپ جاتىر، دەپ حابارلايدى قازاقپارات ءتىلشىسى.

15- مامىر كۇنى مەملەكەت باسشىسى قاسىم-جومارت توقايەۆ ۇجىمدىق قاۋىپسىزدىك شارتىنا قول قويىلعانىنا 30 جىل جانە ۇيىمنىڭ قۇرىلعانىنا 20 جىل تولۋىنا وراي وتەتىن مەرەيتويلىق سامميتكە قاتىسۋ ءۇشىن ماسكەۋگە كەلگەن بولاتىن.

بۇل سامميتكە ۇيىمعا مۇشە ەلدەردىڭ باسشىلارى قاتىسادى دەپ جوسپارلانعان.

2022-جىلى ۇجىمدىق قاۋىپسىزدىك شارتى ۇيىمىنا ارمەنيا رەسپۋبليكاسى ءتوراعالىق ەتىپ جاتىر.

جيىن بارىسىندا ۇ ق ش ۇ- نىڭ دامۋ بولاشاعى تالقىلانىپ، ۇيىمنىڭ مەرەيتويىنا ارنالعان مالىمدەمە قابىلدانباق.

ۇجىمدىق قاۋىپسىزدىك تۋرالى شارتقا (ۇ ق ت) 1992-جىلعى 15- مامىردا تاشكەنتتە قول قويىلدى.

2002-جىلعى 14- مامىردا ۇجىمدىق قاۋىپسىزدىك كەڭەسىنىڭ ماسكەۋدە وتكەن سەسسياسىندا ۇجىمدىق قاۋىپسىزدىك تۋرالى شارتقا قاتىسۋشى مەملەكەتتەر اراسىنداعى ىنتىماقتاستىقتىڭ تەتىكتەرى مەن قۇرىلىمدارىن حالىقارالىق ايماقتىق ۇيىم - «ۇجىمدىق قاۋىپسىزدىك شارت تۋرالى ۇيىمعا» وزگەرتۋ، وعان ءتيىستى مارتەبە بەرۋ تۋرالى شەشىم قابىلدادى.

2003-جىلعى 18- قىركۇيەكتە ۇ ق ش ۇ جارعىسى ءوز كۇشىنە ەندى. ۇجىمدىق قاۋىپسىزدىك شارت ۇيىمىنا ارمەنيا، بەلارۋس، قازاقستان، قىرعىزستان، رەسەي، تاجىكستان كىرەدى.