الماتى-تاشكەنت پويىزى قايتادان قاتىناي باستادى
ق ت ج مالىمەتىنشە، 24 ۆاگوننان تۇراتىن قۇرام اپتاسىنا 3 رەت بارىپ، كەلەدى.
بيلەتتەر قۇنى مەملەكەتارالىق تاريف بويىنشا بەلگىلەنگەن.
باعالاردى www.bіlet.railways.kz. سايتىنان ناقتىلاۋعا بولادى.
«قازاقستاندىقتار مەن شەتەل ازاماتتارىنىڭ ەلگە تەمىر جول كولىگىمەن كىرۋى ءۇشىن بۇرىنعىداي تەرىس ناتيجەسى بار COVID-19-عا پ ت ر تەستىلەۋدەن وتكەنى تۋرالى انىقتامانىڭ بولۋى مىندەتتى. انىقتاما بەرىلگەن كۇننەن باستاپ 72 ساعاتتان اسپاۋى كەرەك. نەمەسە كوروناۆيرۋستىق ىندەتكە قارسى ەكپە نەمەسە قايتا ەكپە قابىلداۋدىڭ تولىق كۋرسىنان وتكەنى تۋرالى پاسپورت ۇسىنۋ قاجەت (سوڭعى دوزانى العاننان كەيىن 6 ايدان اسپايتىن مەرزىم). ەگەر پ ت ر تەستىنىڭ ناتيجەلەرى نەمەسە COVID-19 ۆاكسيناتسياسىنىڭ پاسپورتى بولماسا، وندا جولاۋشىلار ۆاگونعا وتىرعىزۋعا جىبەرىلمەيدى»، - دەپ تۇسىندىرگەن ۆەدومستۆودان.