15:30, 16 - مامىر 2022 | GMT +6
«مەرەيلى وتباسى» ۇلتتىق كونكۋرسىنا ءوتىنىم قابىلداۋ باستالدى
نۇر-سۇلتان. قازاقپارات - «مەرەيلى وتباسى» ۇلتتىق كونكۋرسىنا قاتىسۋعا وتىنىمدەر قابىلداۋ باستالدى، دەپ حابارلايدى قازاقپارات ق ر اقپارات جانە قوعامدىق دامۋ مينيسترلىگىنىڭ باسپا ءسوز قىزمەتى.
«قازاقستان رەسپۋبليكاسى پرەزيدەنتىنىڭ 2013-جىلعى 6- جەلتوقسانداعى 250№ وكىمىنە سايكەس قازاقستاندا جىل سايىن «مەرەيلى وتباسى» ۇلتتىق كونكۋرسى وتكىزىلەدى.
كونكۋرس ەكى كەزەڭدە وتەدى:
ءبىرىنشى - اۋداندىق (قالالىق) كەزەڭ، ەكىنشى - وبلىستىق (رەسپۋبليكالىق ماڭىزى بار قالا، استانا) كەزەڭ.
كونكۋرسقا قاتىسۋ ءۇشىن وتىنىمدەردى قاجەتتى قۇجاتتارمەن قوسا، ارنايى نىسان بويىنشا اۋداندىق (قالالىق) كوميسسيالارعا 2022-جىلعى 15- ماۋسىمعا دەيىن تاپسىرۋ قاجەت» دەلىنگەن حابارلامادا.
كونكۋرستى ۇيىمداستىرۋشىلار - قازاقستان رەسپۋبليكاسى پرەزيدەنتىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ قولداۋىمەن قازاقستان رەسپۋبليكاسى اقپارات جانە قوعامدىق دامۋ مينيسترلىگى، جەرگىلىكتى اتقارۋشى ورگاندار.