جەڭىلدەتىلگەن اۆتونەسيەدە ەشبىر ساناتقا باسىمدىق بەرىلمەيدى
«ءبىرىنشى كەزەكتە اۆتوسالوندا بار كولىك بويىنشا ءوتىنىم بەرگەن ادامدار پايىزدىق اۆتونەسيە راسىمدەي الادى. ياعني، ءبىرىنشى كەزەكتە دەپ باسىمدىق بەرىلەتىن بەلگىلى ءبىر سانات بولمايدى. ءبارى كەزەك نەگىزىندە رەتتەلەدى»، - دەدى قوردىڭ وكىلى.
سونداي- اق، ول 4 پايىزدىق اۆتونەسيە راسىمدەۋدىڭ قىسقاشا جولىن ءتۇسىندىردى.
«اۋەلى ادام اۆتوموبيلدى تاڭداپ الۋى كەرەك. ەگەر ول تاڭداعان كولىك ءتۇرى اۆتوسالوندا جوق بولسا، كۇتۋ كەرەك بولادى. اۆتوموبيل كەلگەن كەزدە تۇتىنۋشى اۆتوسالونعا شاقىرتىلادى. سول جەردەن ءوزى تاڭداعان كولىككە تولەم شوتىن الادى. ول شوتتا كولىكتىڭ VIN- كودى بولۋى كەرەك. وسى تولەم شوتىن قولىنا الىپ، بانكتەن پايىزدىق نەسيە راسىمدەيدى. بانك ءوتىنىم مەن تولەم شوتىن تەك VIN- كود ارقىلى عانا الادى. بۇرىنعى جەڭىلدەتىلگەن اۆتونەسيە باعدارلاماسى بويىنشا تولەم شوتىندا VIN- كودتىڭ بولۋى تالاپ ەتىلمەيتىن. سوندا جاڭا باعدارلاما بويىنشا نەسيە سالوندا بار كولىكتەرگە عانا راسىمدەلەدى دەگەن ءسوز. وسىدان كەيىن نەسيە تۋرالى ءوتىنىمدى ماقۇلداۋ پروتسەدۋراسى جۇرەدى. ەگەر نەسيە ماقۇلدانسا، كەپىلحات بەرىلەدى. تۇتىنۋشى كەپىلحاتتى الىپ، اۆتوسالونعا كەلەدى. وسىدان كەيىن عانا كولىكت ونىڭ اتىنا راسىمدەۋ باستالادى»، - دەدى رينات گاپپاروۆ.
«قازاقستاندا اي سايىن 7 مىڭ اۆتوكولىك وندىرىلەدى. ياعني قازىرگى كەزەڭدە ەلدەگى بۇكىل اۆتوسالونداردا 7 مىڭ كولىك بار دەپ ايتۋعا بولادى»، - دەگەن قاۋىمداستىق وكىلى 4 پايىزدىق نەسيە الۋشىلاردىڭ ۇلكەن سۇرانىسىن تۋىنداتىپ وتىرعان Hyundai ماركالى كولىكتەردىڭ ءوندىرىسى جىل ورتاسىنان باستاپ كوبەيەتىنىن ءمالىم ەتتى.
«مىسالى، Hyundai وكىلدەرى شىلدە ايىنان باستاپ اي سايىن 4 مىڭداي اۆتوموبيل قولجەتىمدى بولاتىنىن ايتىپ وتىر. 4 پايىزدىق اۆتونەسيە بويىنشا الساق، ءبىر نەسيە الۋشىعا بەرىلەتىن جالپى ليميت 10 ميلليون تەڭگە دەپ كوزدەلگەن.
«ونەركاسىپتى دامىتۋ قورى» جەڭىلدەتىلگەن اۆتونەسيەگە بولگەن اقشانىڭ جالپى سوماسى - 100 ميلليارد تەڭگە. سوندا كەم دەگەندە 10 مىڭ ادام وسى شارت بويىنشا نەسيە الادى دەگەن ءسوز. ەگەر Hyundai اي سايىن 4 مىڭ كولىك جەتكىزە الاتىنىن ايتىپ وتىرسا، الدىن الا برونداۋ جاساعان تۇتىنۋشىلاردىڭ ءبارى الداعى 1-1,5-ايدا ءوز كولىكتەرىن الادى دەگەن ءسوز. ەڭ باستىسى بايبالامعا بوي الدىرماۋ كەرەك»، - دەدى انار ماقاشيەۆا بريفينگىدەن كەيىن ب ا ق وكىلدەرىنىڭ سۇراعىنا بەرگەن جاۋابىندا.
«نەسيە بويىنشا سىياقى مولشەرىنە كەلەتىن بولسا، ۇكىمەتتىڭ قاۋلىسىمەن 4 پايىزدىق سىياقى بەلگىلەندى. بۇل سىياقى وسپەيدى. دەگەنمەن، ونىڭ قاسىندا بانكتىڭ كورسەتكەن قىزمەتتەرى بويىنشا قوسىمشا تولەمدەر بولۋى كەرەك. ساقتاندىرۋ شىعىندارى دا بار. بانك ءوز تاۋەكەلىن ساقتاندىرماي سىزدەرگە نەسيە بەرمەيدى. سوندىقتان ونىڭ شىعىنى نەسيە الۋعا تىلەك بىلدەرگەن ازاماتتىڭ ەسەبىنەن جۇرگىزىلەدى»، - دەدى قوردىڭ باسقارما باسشىسى عالىمجان ءادي.
اۆتور: ەسىمجان ناقتىباي