قاسكەلەڭدە كوكپار ۇيىمداستىرعانداردى پوليتسيا ىزدەپ جاتىر
«15- مامىر كۇنى قاراساي اۋدانىنىڭ قاسكەلەڭ قالاسىندا كوكپار ويىنى ۇيىمداستىرىلعان. بۇل شارا جەرگىلىكتى اكىمدىكتىڭ كەلىسىمىنسىز بولعان. كوكپارشىلاردىڭ قالاداعى بىرنەشە كوشە بويىندا جۇرگەندەرى بەينەباقىلاۋ كامەراسىنا جازىلعان. اتالعان فاكتى قاراساي اۋداندىق پوليتسياسىندا تىركەلدى. سونىمەن قاتار، 34 جاستاعى تۇرعىن پوليتسياعا ارىزداندى. ونىڭ كولىگىن كوكپارشىلار ءبۇلدىرىپ كەتكەن»، - دەلىنگەن الماتى وبلىستىق پوليتسيا دەپارتامەنتى باسپا ءسوز قىزمەتىنىڭ حابارلاماسىندا.
ۆەدومستۆونىڭ اقپاراتىنا سايكەس، قازىر اتالعان ويىندى ۇيىمداستىرعاندار مەن وعان قاتىسقانداردى ءتارتىپ ساقشىلارى ىزدەستىرىپ جاتىر.
«ولاردىڭ بارلىعى زاڭعا سايكەس جاۋاپقا تارتىلاتىن بولادى»، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.
ايتا كەتەيىك، كوكپارشىلاردىڭ كولىكتى بۇلدىرگەن ساتىندەگى ۆيدەو جەلىگە تاراعان بولاتىن.