16 مامىر 11:43

پاۆلوداردا ءبىر جارىم جاسار قىز توعىزىنشى قاباتتان قۇلاپ كەتتى

نۇر- سۇلتان. قازاقپارات - ءسابي اۋىر جاراقاتپەن وبلىستىق بالالار اۋرۋحاناسىنا جاتقىزىلدى، دەپ حابارلايدى @Pavlodarnews.kz.

قايعىلى جاعداي تولستوي كوشەسى، 90- مەكەنجايىنداعى تۇرعىن ۇيدە ورىن الدى. قىز توعىزىنشى قاباتتان دۇكەننىڭ كۇنقاعارىنا قۇلاعان. وڭىرلىك دەنساۋلىق ساقتاۋ باسقارماسىنىڭ مالىمەتىنشە، بالاعا كاتاتراۆما، اۋىر باس سۇيەك- مي جاراقاتى، اۋىر دارەجەدەگى باس ميىنىڭ سوعىلۋى، تراۆماتيكالىق شوك دياگنوزى قويىلعان.

- زارداپ شەگۋشىنىڭ جاعدايى وتە اۋىر، ول ينوتروپتى قولداۋ جانە وكپەنى جاساندى جەلدەتۋ اپپاراتىنا قوسىلعان، - دەپ حابارلادى باسقارمادا.

ءبۇلدىرشىن وبلىستىق بالالار اۋرۋحاناسىنىڭ جانساقتاۋ بولىمىنە جەتكىزىلدى.


جاڭالىقتار