كيەۆ «ازوۆستالداعى» جاۋىنگەرلەردى ەۆاكۋاتسيالاۋ ءۇشىن كەلىسسوز جۇرگىزىپ جاتىر

نۇر- سۇلتان. قازاقپارات - كيەۆ «ازوۆستال» زاۋىتىندا قالعان جاۋىنگەرلەرىن ءوندىرىس ورنىنان الىپ شىعۋ ءۇشىن كۇندە كەلىسسوز جۇرگىزىپ جاتىر.

پرەزيدەنت ۆلاديمير زەلەنسكي كەزەكتى ۆيدەوۇندەۋىندە وسىلاي دەپ مالىمدەدى. ايتۋىنشا، ۋكراينا قوس تاراپقا دا ىڭعايلى جولدى ۇسىنىپ وتىر. الايدا كەلىسسوز ءالى ناتيجە بەرە قويماعان.

ەسكە سالا كەتەيىك، رەسەي كۇشتەرى ماريۋپولدى وسى ايدىڭ باس كەزىندە تولىقتاي باقىلاۋىنا العانىن مالىمدەگەن. ءبىراق زاۋىتقا بەكىنگەن ازوۆ پولكى ءالى قارسىلىق كورسەتىپ جاتىر. مالىمەتكە قاراعاندا ءودىرىس ورىنىندا 1 مىڭنان اسا سارباز بەن 500-گە جۋىق جارالى جاۋىنگەر بار.

ۆلاديمير زەلەنسكي، ۋكراينا پرەزيدەنتى:

- قازىر ماريۋپولدەگى «ازوۆستال» زاۋىتىنان ءبىزدىڭ ساربازداردى ەۆاكۋاتسيالاۋ بويىنشا كەلىسسوز ءجۇرىپ جاتىر. ءبىز قارسى تاراپپەن ماسەلەنى كۇن سايىن تالقىلاپ جاتىرمىز. بۇل جەردە ءبىز ولاردىڭ ۋاعدالاستىقتى بۇلجىتپاي ورىنداعانىن قالايمىز.

www.24.kz