تەاتر جانە كينو اكتەرى ساعات جىلگەلديەۆ دۇنيەدەن وزدى

None
None
الماتى. قازاقپارات - بەلگىلى اكتەر ساعات جىلگەلديەۆ ومىردەن وزدى، دەپ حابارلايدى قازاقپارات ءتىلشىسى ع. مۇسىرەپوۆ اتىنداعى اكادەميالىق بالالار مەن جاسوسپىرىمدەر تەاترىنىڭ باسپا ءسوز قىزمەتىنە سىلتەمە جاساپ.

«تەاترىمىزدىڭ اكتەرى، جانى جايساڭ ساعات جىلگەلديەۆ اعامىز دۇنيەدەن ءوتتى. تەاتر ۇجىمى، ارىپتەستەرى مارقۇمنىڭ جۇبايى جىبەك لەبايەۆا مەن وتباسى، تۋعان- تۋىستارىنىڭ قايعىسىنا ورتاقتاسىپ، كوڭىل ايتادى. باقۇل بولىڭىز اعا! ءسىزدىڭ جارقىن بەينەڭىزدى ارىپتەستەرىڭىز، ۇجىم، ءوزىڭىزدىڭ سۇيىكتى كورەرمەندەرىڭىز ماڭگى جادىندا ساقتايدى»، - دەلىنگەن حابارلامادا.

ساعات ەرماعامبەت ۇلى جىلگەلديەۆ - 1954 -جىلدىڭ 12- جەلتوقسانىندا قىزىلوردا وبلىسى، جالاعاش اۋدانى، اققىر اۋىلىندا تۋعان. قازاقستاننىڭ ەڭبەك سىڭىرگەن ءارتىسى، ەرەن ەڭبەگى ءۇشىن مەدالىنىڭ يەگەرى.

ساعات ەرماعامبەت ۇلى قازاق دراما تەاترى جانىنداعى تەاتر ستۋدياسىن، قازاق ۇلتتىق كونسەرۆاتورياسىنىڭ اكتەرلىك ءبولىمىن بىتىرگەن. ول ەڭبەك جولىن 1977 -جىلى تالدىقورعان قالاسىنداعى وبلىستىق بيكەن ريموۆا اتىنداعى دراما تەاترىندا باستادى. 1997 -جىلدان بەرى عابيت مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ اكتەرى بولدى.

اۆتور: الما مۇقانوۆا

سوڭعى جاڭالىقتار