09:41, 16 - مامىر 2022 | GMT +6
فينليانديا مەن رەسەيدىڭ اراسى سالقىن تارتۋى مۇمكىن
نۇر- سۇلتان. قازاقپارات - بۇعان فين ەلىنىڭ ناتو قۇرامىنا كىرۋگە ازىرلىگى سەبەپ. وسى اپتادا مەملەكەت باسشىسى ساۋلي نينيستيە ۆلاديمير پۋتينمەن تەلەفون ارقىلى بايلانىسىپ، اسكەري وداققا كىرۋ جونىندە حابارلاعان.
بۇل جوسپار تۋرالى الدىن الا ەستىگەن رەسەيدىڭ سىرتقى ىستەر مينيسترلىگى قاراپ قالمايتىنىن اڭعارتتى. مەملەكەتتىڭ قاۋىپسىزدىگىنە قاتەر تونسە، وندا اسكەري- تەحنيكالىق جانە وزگە دە شارا قولدانۋعا ءماجبۇر ەكەنىن ءبىلدىردى.
ەسكە سالا كەتەيىك، رەسەي مەن فينليانديا اراسىنداعى شەكارا 1300 شاقىرىمعا سوزىلادى. كورشى ەلمەن قاتىناسىن بۇزباۋ ءۇشىن فينليانديا وسى ۋاقىتقا دەيىن اسكەري وداقتارعا كىرۋدەن باس تارتىپ كەلگەن.
www.24.kz