07:29, 16 - مامىر 2022 | GMT +6
قاسىم- جومارت توقايەۆ ماسكەۋگە كەلدى
ماسكەۋ. قازاقپارات - مەملەكەت باسشىسى قاسىم- جومارت توقايەۆ ماسكەۋگە كەلدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
«رەسەي پرەزيدەنتى ۆلاديمير پۋتيننىڭ جانە ۇ ق ش ۇ ۇجىمدىق قاۋىپسىزدىك كەڭەسىنىڭ ءتوراعاسى، ارمەنيا پرەمەر- ءمينيسترى نيكول پاشينياننىڭ شاقىرۋىمەن ۇجىمدىق قاۋىپسىزدىك شارتىنا قول قويىلعانىنا 30 جىل جانە ۇيىمنىڭ قۇرىلعانىنا 20 جىل تولۋىنا وراي وتەتىن مەرەيتويلىق سامميتكە قاتىسۋ ءۇشىن ماسكەۋگە كەلدى»، - دەلىنگەن حابارلامادا.
ۇيىمنىڭ ءىس- شاراسى 16 - مامىر كۇنى كرەملدە وتەدى.
ايتا كەتەيىك، ق. توقايەۆ ب ا ءا پرەزيدەنتى شەيح حاليفا بەن زايد ءال ناحاياننىڭ قايتىس بولۋىنا بايلانىستى وسى ەلدىڭ جاڭادان سايلانعان پرەزيدەنتى، ابۋ ءدابيدىڭ بيلەۋشىسى شەيح مۇحاممەد بەن زايد ءال ناحايانعا جانە بيلەۋشى اۋلەتتىڭ مۇشەلەرى مەن امىرلىكتەر حالقىنا كوڭىل ايتۋ ءۇشىن بىرىككەن اراب امىرلىكتەرىنە بارعان بولاتىن.