USD 416.91 EUR 446.47
RUB 7.34 CNY 62.53
جاڭالىقتار

بىرىككەن اراب امىرلىكتەرىنىڭ جاڭا پرەزيدەنتى سايلاندى

14 مامىر 21:02
:ءبولىسۋ
بىرىككەن اراب امىرلىكتەرىنىڭ جاڭا پرەزيدەنتى سايلاندى

نۇر- سۇلتان. قازاقپارات –ب ا ءا فەدەرالدىق جوعارعى كەڭەسى بۇگىن شەيح مۇحاممەد بەن زايد ءال ناحاياندى بىرىككەن اراب امىرلىكتەرىنىڭ پرەزيدەنتى ەتىپ سايلادى، دەپ حابارلايدى قازاقپارات WAM اقپارات اگەنتتىگىنە سىلتەمە جاساپ.

ب ا ءا مەملەكەتتىك اگەنتتىگىنىڭ حابارلاۋىنشا، فەدەرالدىق جوعارعى كەڭەس بۇگىن ءابۋ- دابيدەگى ءال- ءمۇشريف سارايىندا دۋبايدىڭ ۆيسە- پرەزيدەنتى، پرەمەر- ءمينيسترى جانە بيلەۋشىسى شەيح مۇحاممەد بەن راشيد ءال ماكتۋمنىڭ توراعالىعىمەن وتىرىس وتكىزدى. پرەزيدەنت ىستەرى مينيسترلىگى جاريالاعان مالىمدەمە بويىنشا ەل كونستيتۋتسياسىنىڭ 51-بابىنا سايكەس، شەيح مۇحاممەد بەن زايد ءال ناحايان مارقۇم شەيح حاليفا بەن زايد ءال ناحاياننىڭ ورنىنا بىرىككەن اراب امىرلىكتەرىنىڭ پرەزيدەنتى بولىپ سايلاندى. ول بىرىككەن اراب امىرلىكتەرىنىڭ نەگىزىن قالاۋشى زايد بەن سۇلتان ءال ناحاياننىڭ ءۇشىنشى ۇلى جانە بۇرىنعى پرەزيدەنتتىڭ تۋعان اعاسى.

ەسكە سالا كەتەيىك، كەشە ب ا ءا- ءنىڭ 73 جاستاعى پرەزيدەنتى حاليفا بەن زايد ءال ناحايان ۇزاققا سوزىلعان اۋىر ناۋقاستان قايتتى. ول بىرىككەن اراب امىرلىكتەرىنىڭ ەكىنشى پرەزيدەنتى بولدى. ول جەر بەتىندەگى ەڭ باي ادامداردىڭ ءبىرى ەدى. ابۋ- دابي قالاسىندا حاليفا بەن زايد ءال- ناحاياندى جەرلەۋ ءراسىمى ءوتتى. مەملەكەت باسشىسى ءال- باتين قابىرستانىنا جەرلەندى. مارقۇمنىڭ جانازاسىن شىعارماس بۇرىن بارلىق مەشىتتەردە قۇران وقىلدى. ەلدە ءۇش كۇن قاتارىنان قارالى كۇن دەپ جاريالاندى. مەملەكەتتىك ورگاندار مەن جەكەمەنشىك ۇيىمدار جۇمىس ىستەمەيدى. بارلىق ويىن- ساۋىق كەشتەر توقتادى.

ايتا كەتەيىك، ق ر پرەزيدەنتى قاسىم- جومارت توقايەۆ بىرىككە اراب امىرلىكتەرىنىڭ پرەزيدەنتى شەيح حاليفا بەن زايد ءال ناھاياننىڭ قايتىس بولۋىنا بايلانىستى كوڭىل ايتقان ەدى. «شەيح حاليفا امىرلىكتەردىڭ دامۋى مەن حالقىنىڭ يگىلىگى جولىندا ۇزاق جىلدار بويى قالتقىسىز قىزمەت ەتتى. قازاقستان حالقى شەيح حاليفا ءال ناھاياندى ەكىجاقتى قارىم- قاتىناستاردى نىعايتۋعا سۇبەلى ەڭبەك سىڭىرگەن تۇلعا رەتىندە ەستە ساقتايدى. مارقۇمنىڭ يمانى سالامات بولسىن!» - دەپ جازدى پرەزيدەنت ءوزىنىڭ Twitter- دەگى پاراقشاسىندا.

اۆتور: ايجان سەرىكجان قىزى


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات