USD 429.57 EUR 447.35
RUB 6.94 CNY 63.23
جاڭالىقتار

الماتى پروكۋراتۋراسى ءىرى قۇرىلىس كومپانياسىن سوتقا بەردى

14 مامىر 16:50
:ءبولىسۋ
الماتى پروكۋراتۋراسى ءىرى قۇرىلىس كومپانياسىن سوتقا بەردى

الماتى. قازاقپارات - پروكۋراتۋرا بوستاندىق اۋدانىنداعى ءىرى تۇرعىن ءۇي كەشەندەرىنىڭ ءبىرىن سالۋشىعا قاتىستى سوتقا تالاپ ارىز بەردى، دەپ حابارلايدى قازاقپارات ءتىلشىسى.

قاداعالاۋ ورگانى تۇرعىندار شاعىمىنان كەيىن ساتبايەۆ كوشەسى، 26/4 مەكەنجايى بويىنشا تۇرعىن ءۇي كەشەنىن سالۋ كەزىندە ساۋلەت نورمالارىنىڭ ساقتالۋىنا تالداۋ جۇرگىزدى.

«پروكۋرورلار حالىقتىڭ تىعىز ورنالاسۋى مەن نىساننىڭ قۇرىلىسى قولدانىستاعى نورمالاردىڭ رۇقسات ەتىلگەن شەكتى پارامەترلەرىنەن اسىپ تۇسەتىنىن، سونداي- اق ءبىلىم بەرۋ نىساندارىنا جۇكتەمە بارى ەسكەرىلمەگەنىن انىقتادى»، - دەلىنگەن ۆەدومستۆو حابارلاماسىندا.

بۇل رەتتە قۇرىلىس كومپانياسى ءوز مىندەتىنە 900 ورىندىق مەكتەپ سالۋدى العان بولىپ شىقتى. الايدا، بۇل نىساننىڭ اينالاسىندا قازىردىڭ وزىندە 2274 ورىنعا جالپى ءبىلىم بەرەتىن مەكتەپ پەن بالاباقشا تاپشى. دەمەك، قۇرىلىس كومپانياسى مەكتەپتى سالعاننىڭ وزىندە 1374 ورىن جەتىسپەيتىن بولادى. سونىمەن قاتار، قۇرىلىس نورمالارى مەن ەرەجەلەرىن بۇزۋدىڭ باسقا دا فاكتىلەرى انىقتالدى.

«وسىنى ەسكەرە وتىرىپ، بوستاندىق اۋدانىنىڭ پروكۋراتۋراسى الماتى قالاسىنىڭ جوسپارلاۋ جانە ۋربانيستيكا باسقارماسىنىڭ ەسكيزدىك جوبانى كەلىسۋ بويىنشا ارەكەتىن زاڭسىز دەپ تانۋ تۋرالى سوتقا تالاپ ارىز بەردى. پروكۋراتۋرا ىقشاماۋدان تۇرعىندارىنىڭ شاعىمىنا سايكەس بۇل نىسان قۇرىلىسىنىڭ تۇجىرىمداماسىن قايتا قاراۋ قاجەت دەپ سانايدى»، - دەلىنگەن حابارلامادا.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات