USD 416.91 EUR 446.47
RUB 7.34 CNY 62.53
جاڭالىقتار

ورتالىق ازيا ەلدەرىندە قازاقستاندىق ج و و فيليالدارى اشىلۋى مۇمكىن

14 مامىر 11:48
:ءبولىسۋ
ورتالىق ازيا ەلدەرىندە قازاقستاندىق ج و و فيليالدارى اشىلۋى مۇمكىن

نۇر- سۇلتان. قازاقپارات - ورتالىق ازيا ەلدەرى رەكتورلارىنىڭ فورۋمىندا ءبىرقاتار ماسەلە كوتەرىلدى، سونىڭ ءبىرى - جوعارى وقۋ ورىندارىنىڭ فيليالدارىن اشۋ مۇمكىندىگى.

بۇل تۋرالى ق ر ءبىلىم جانە عىلىم ءمينيسترى اسحات ايماعامبەتوۆ الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات.


«بۇل - بىلتىر قول قويىلعان تۇركىستان دەكلاراتسياسىندا كورسەتىلگەن جوسپارلاردى جۇزەگە اسىراتىن فورۋم. نەگىزگى ماقسات - وڭىرلىك دەڭگەيدە ىنتىماقتاستىقتى نىعايتىپ، ايماقتا ءبىرتۇتاس كەڭىستىك قۇرۋعا مۇمكىندىك بەرەتىن ورتالىق ازيا جوعارى ءبىلىم ايماعىن قۇرۋ»، - دەپ جازادى مينيستر.

ۆەدومستۆو باسشىسى اتاپ وتكەندەي، بيىل قازاقستان چەحيامەن بىرگە بولون پروتسەسىن باسقارۋ توبىنا (BFUG) تەڭ ءتوراعالىق ەتىپ جاتىر.

«بۇگىن ءبىز قازاقستاندا BFUG وكىلدىگىن اشۋ ماسەلەسىن كوتەردىك. بۇل ەۋروپا مەن ورتالىق ازيا ەلدەرى اراسىنداعى جوعارى ءبىلىم سالاسىنداعى ارىپتەستىكتى كۇشەيتۋگە جانە بولون پروتسەسى قاعيداتتارىن وڭىردە تاراتۋعا مۇمكىندىك بەرەدى»، - دەيدى اسحات ايماعامبەتوۆ.

اتالعان فورۋم جۇمىسىنا مينيسترلىكتەر وكىلدەرى، سونداي- اق ورتالىق ازيا ەلدەرى ۋنيۆەرسيتەتتەرىنىڭ 133 وكىلى قاتىسقان.

ۆەدومستۆو باسشىسىنىڭ حابارلاۋىنشا، فورۋم قورىتىندىسىندا ورتالىق ازيا ج و و- لارىنىڭ اليانسىن قۇرۋ تۋرالى مەموراندۋم قابىلداندى. قازاقستان، قىرعىزستان، وزبەكستان جانە تاجىكستان ۋنيۆەرسيتەتتەرى اراسىندا ەكىجاقتى كەلىسىمدەرگە قول قويىلدى. سونداي- اق، ورتالىق ازيا ەلدەرىندە قازاقستاندىق جوعارى وقۋ ورىندارىنىڭ فيليالدارىن اشۋ مۇمكىندىگى تالقىلانعان. ءار مەملەكەت ءۇشىن باسىم باعىتتار بويىنشا بىرلەسكەن عىلىمي جانە ءبىلىم بەرۋ جوبالارىن ازىرلەۋ جوسپارى ازىرلەندى.

«ۋنيۆەرسيتەتتەر ءوز اراسىندا وقىتۋشىلار جانە ستۋدەنتتەرمەن الماسادى. بۇل باعىتتا ءبىز «ءال- فارابي» اتىنداعى ستيپەنديالىق باعدارلامانى ىسكە قوسىپ، ورتالىق ازيا ەلدەرىنىڭ ازاماتتارىنا كۆوتا بولۋگە دايىنبىز»، - دەپ تۇيىندەيدى مينيستر.

بۇعان دەيىن حابارلانعانىنداي، قازاقستاندىق ج و و- لار وقۋ باعدارلامالارىن وزدەرى وزگەرتەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات