USD 416.91 EUR 446.47
RUB 7.34 CNY 62.53
جاڭالىقتار

ەكى جىگىت الماتى زووباعىنداعى جولبارىستى ىزالاندىردى

14 مامىر 11:05
:ءبولىسۋ
ەكى جىگىت الماتى زووباعىنداعى جولبارىستى ىزالاندىردى

الماتى. قازاقپارات - الماتىدا ەكى جىگىت تاقتايشالاردا جازىلعان ەسكەرتۋلەردى ەلەمەستەن، تەحنيكالىق اۋماققا قورشاۋلاردان اتتاپ كىرىپ، تورداعى جولبارىستى ىزالاندىردى.

بۇل تۋرالى حايۋاناتتار باعىنىڭ اكىمشىلىگى الەۋمەتتىك جەلى ارقىلى ءمالىم ەتتى، دەپ حابارلايدى قازاقپارات ءتىلشىسى.

«وكىنىشكە قاراي، قاۋىپسىزدىك قىزمەتكەرلەرى حايۋاناتتار باعىنىڭ ءار بۇرىشىندا تۇرا المايدى. ويتكەنى، زووباق اۋماعى ۇلكەن - 21 گ ا. ءبىز جانۋارلارعا وسىنداي دورەكى ءىس- ارەكەتتەر جاسالعانىن قالامايمىز. قازىرگى ۋاقىتتا وسى ماسەلە جان- جاقتى قاراستىرىلىپ جاتىر. كىنالىلەر مىندەتتى تۇردە جازاسىن الادى»، - دەلىنگەن حايۋاناتتار باعىنىڭ Instagram پاراقشاسىندا.

ولار جىرتقىشقا الدەبىر زاتتاردى لاقتىرىپ، مازاسىن الىپ، زووباققا كەلۋشى باسقا ادامداردى بالاعاتتاعان. بۇعان دەيىن الماتى زووباعىنداعى جانۋارلار جازعى ۆولەرگە كوشىرىلىپ جاتقانى تۋرالى جازعان بولاتىنبىز.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات