USD 416.91 EUR 446.47
RUB 7.34 CNY 62.53
جاڭالىقتار

اقتوبە وبلىسىنىڭ دامۋىنا سەرپىن بەرەتىن جاۋاپتى ىستەر تۇر – پرەمەر

14 مامىر 10:47
:ءبولىسۋ
اقتوبە وبلىسىنىڭ دامۋىنا سەرپىن بەرەتىن جاۋاپتى ىستەر تۇر – پرەمەر

نۇر- سۇلتان. قازاقپارات - جۇمىس ساپارىمەن اقتوبە وبلىسىنا بارعان ق ر پرەمەر- ءمينيسترى ءاليحان سمايىلوۆ ءوڭىردىڭ كەشەندى الەۋمەتتىك- ەكونوميكالىق دامۋى جونىندە كەڭەس وتكىزىپ، ءوڭىر باسشىسىنا ءبىرقاتار تاپسىرمالار جۇكتەدى، - دەپ حابارلايدى قازاقپارات ۇكىمەتتىڭ رەسمي سايتىنا سىلتەمە جاساپ.

كەڭەس بارىسىندا وبلىس اكىمى وڭداسىن ورازالين، يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، اۋىل شارۋاشىلىعى ءمينيسترى ەربول قاراشوكەيەۆ بايانداما جاسادى.


ق ر پرەمەر- ءمينيسترى اقتوبە وبلىسىنىڭ ەلىمىزدىڭ ماڭىزدى ونەركاسىپتىك جانە اگرارلىق وڭىرلەرىنىڭ ءبىرى ەكەنىن اتاپ ءوتتى. مۇندا مۇناي وڭدەۋ، قۇرىلىس جانە ازىق- تۇلىك ونىمدەرى ءوندىرىسى بەلسەندى تۇردە دامىپ كەلەدى. 2022 -جىلى رەسپۋبليكالىق بيۋدجەتتىڭ ناقتىلانۋىن ەسكەرە وتىرىپ، ءوڭىردى دامىتۋعا 150 ميلليارد تەڭگەدەن استام قاراجات باعىتتالادى. بۇل قاراجات جولداردى جوندەۋگە جانە رەكونسترۋكتسيالاۋعا، گاز تاسىمالداۋ جۇيەسىن دامىتۋعا، تۇرعىن ءۇي قۇرىلىسىنا، ت ك ش جانە كوممۋنالدىق شارۋاشىلىق سالاسىنداعى ءىس- شارالارعا، دەنساۋلىق ساقتاۋدى، اگروونەركاسىپتىك كەشەندى قولداۋعا، سونداي- اق جەرگىلىكتى تۇرعىنداردى ءونىمدى جۇمىسپەن قامتۋعا جۇمسالادى. پرەمەر- مينيستر ازىق- تۇلىك باعاسىنىڭ نەگىزسىز وسۋىنە جول بەرمەۋ ءۇشىن ازىق- تۇلىك تاپشىلىعىنىڭ الدىن الۋ جانە ساۋدا ۇستەمەسىن باقىلاۋ بويىنشا جوسپارعا ساي جۇمىس جۇرگىزۋ قاجەت ەكەنىن اتاپ ءوتتى.

سونىمەن قاتار، وبلىس اكىمدىگى ەلىمىزدىڭ وڭتۇستىك ايماقتارى مەن كورشى ەلدەردىڭ ديحاندارىمەن ەرتە پىسەتىن كوكونىستەردى جەتكىزۋگە تىكەلەي كەلىسىمشارتتارعا وتىرىپ، ساۋدا جەلىلەرىمەن جۇمىس ىستەۋ كەزىندە «اينالىم سحەماسى» مەحانيزمىن كەڭىنەن قولدانۋى قاجەت. جالپى، اۋىل شارۋاشىلىعى ونىمدەرىن جەتكىزۋ ءۇشىن جۇيەلى تۇردە فورۆاردتىق شارتتار جاساسۋى كەرەك.

«ءوڭىردىڭ ەكونوميكاسىن ءارتاراپتاندىرۋ - ەڭ وزەكتى ماسەلە. ول ءۇشىن بيىل وڭىردە جالپى قۇنى 90 ميلليارد استام تەڭگە بولاتىن 30 جوبانى ىسكە قوسۋ جوسپارلانىپ وتىر. سونىڭ ارقاسىندا جاڭا وندىرىستىك قۋات پايدا بولىپ، تۇراقتى جۇمىس ورىندارى قۇرىلادى. اتالعان جۇمىستى جالعاستىرۋ كەرەك»، - دەدى ءاليحان سمايىلوۆ.

سونداي- اق، پرەمەر- مينيستر اقتوبە قالاسىندا ماگيسترالدى گاز قۇبىرىنىڭ ءۇشىنشى جەلىسىنىڭ قۇرىلىسىن قارجىلاندىرۋ، مۇناي سالاسىندا جۇمىس ىستەپ جۇرگەن قىزمەتكەرلەردىڭ ەڭبەكاقىسىن ارتتىرۋ، ءتيىستى قارجىلاندىرۋمەن «اقتوبەنىڭ كارىز جۇيەلەرىن رەكونسترۋكسيالاۋ» جوباسىن ءبىرىنشى كەزەكتە ىسكە اسىرىلاتىن جوبالار تىزبەسىنە قوسۋ، ءوڭىردى دامىتۋدىڭ كەشەندى جوسپارىن جانە جوسپارلانعان ينۆەستيتسيالىق جوبالاردى ساپالى ىسكە اسىرۋدى قامتاماسىز ەتۋ ماسەلەلەرىن قاراستىرۋدى تاپسىردى.

«وبلىس باسشىلىعىنىڭ الدىندا ۇلكەن جاۋاپتى ىستەر تۇر، ولاردىڭ جۇزەگە اسىرىلۋى ءوڭىردىڭ الەۋمەتتىك- ەكونوميكالىق دامۋىنا جاڭا سەرپىن بەرىپ، جەرگىلىكتى حالىقتىڭ تۇرمىس دەڭگەيىن ارتتىرۋعا ىقپال ەتەدى»، - دەپ تۇيىندەدى ۇكىمەت باسشىسى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات