09:47, 14 - مامىر 2022 | GMT +6
التىنكول- جول كەدەن بەكەتىندە قاۋىپتى قالدىقتاردى الىپ وتپەك بولعاندار ۇستالدى
الماتى. قازاقپارات - الماتى وبلىسى اۋماعىنداعى «التىنكول- جول» كەدەن بەكەتىندە پايدالانىلعان اۆتوموكولىك شينالارىن زاڭسىز الىپ ءوتۋ دەرەگى تىركەلدى. بۇل تۋرالى مەملەكەتتىك كىرىستەر كوميتەتى مالىمدەدى، دەپ حابارلايدى قازاقپارات.
«تەمىر جول كولىك قۇرالدارىن كەدەندىك تەكسەرىپ- قاراۋدى جۇرگىزۋ كەزىندە مەملەكەتتىك كىرىستەر ورگاندارىنىڭ قىزمەتكەرلەرى دەكلاراتسيالانباعان تاۋارلاردى - پايدالانىلعان اۆتوكولىك شينالارىن تاپتى. ولاردىڭ جالپى سانى - 3365، سالماعى - 29267 ك گ. ەۋرازيالىق ەكونوميكالىق كوميسسيا القاسىنىڭ تاريفتىك ەمەس رەتتەۋ شارالارى تۋرالى شەشىمىنە سايكەس، مۇنداي شينالاردى ەۋرازيالىق ەكونوميكالىق وداقتىڭ اۋماعى ارقىلى الىپ وتۋگە تىيىم سالىنادى»، - دەلىنگەن حابارلامادا.