USD 416.91 EUR 446.47
RUB 7.34 CNY 62.53
جاڭالىقتار

ۇلتتىق بانك الاياقتىقپەن اينالىساتىن سايتتاردىڭ كوبەيگەنىن ەسكەرتتى

13 مامىر 22:46
:ءبولىسۋ
ۇلتتىق بانك الاياقتىقپەن اينالىساتىن سايتتاردىڭ كوبەيگەنىن ەسكەرتتى

نۇر- سۇلتان. قازاقپارات - ۇلتتىق بانك الاياقتىقپەن اينالىساتىن سايتتاردىڭ كوبەيگەنىن ەسكەرتتى، دەپ حابارلايدى قازاقپارات ق ر ۇ ب باسپا ءسوز قىزمەتىنە سىلتەمە جاساپ.

ولار ءوزىن جەكە ينۆەستيتسيا تارتۋ ءۇشىن ۇلتتىق بانك ازىرلەگەن باعدارلاما رەتىندە تانىستىرادى. ونداي «باعدارلامالاردىڭ» كەيبىرىندە موبيلدىك قوسىمشا دا بار. انىقتالعان رەسۋرستاردا «مەملەكەتتىڭ التىن- ۆاليۋتا قورىنان» نەمەسە «قازاقستاننىڭ ۇلتتىق رەسۋرستارىنان» تۇسەتىن كىرىستى باعدارلاماعا قاتىسۋشىلاردىڭ پايداسىنا ءبولۋ تۋرالى جالعان اقپارات ورنالاستىرىلعان.

سونداي- اق، ۇلتتىق بانك باسشىلىعىنىڭ، ونىڭ ىشىندە بۇرىنعى باسشىلاردىڭ اتىنان شىندىققا سايكەس كەلمەيتىن مالىمدەمەلەر، قولدانىستا جوق ليتسەنزيالاردىڭ نومىرلەرى، جالعان قۇقىق بەلگىلەيتىن قۇجاتتاردىڭ سكان- كوشىرمەلەرى دە بەرىلگەن. مۇنداي رەسۋرستاردا الاياقتىق ارەكەتتەردىڭ بەلگىسى انىق بىلىنەدى، ويتكەنى: ۇلتتىق بانك جەكە تۇلعالاردىڭ شوتتارىنا قىزمەت كورسەتپەيدى، اقشالاي ەسەپ ايىرىسۋلار مەن مامىلەلەر جاسامايدى؛

ۇلتتىق بانك «مەملەكەتتىك قورلاردان» پايدا تابۋ ءۇشىن قانداي دا ءبىر پلاتفورمالاردى ازىرلەۋگە قاتىسپايدى؛

بايلانىس قۇرالى تۋرالى اقپارات، سونداي- اق قازاقستان رەسپۋبليكاسىنىڭ مەملەكەتتىك ورگاندارىندا تىركەلگەن قۇقىق بەلگىلەيتىن قۇجاتتار نەمەسە ءتيىستى ليسەنزيالار كورسەتىلمەگەن (باعالى قاعازدار نارىعىنىڭ كاسىبي قاتىسۋشىلارىنىڭ ليتسەنزيالارى بار ۇيىمداردىڭ تىزبەسى قازاقستان رەسپۋبليكاسى قارجى نارىعىن رەتتەۋ جانە دامىتۋ اگەنتتىگىنىڭ رەسمي سايتىندا «قارجى نارىعى» بولىمىندە جاريالانعان).

تۇپتەپ كەلگەندە مۇنداي فەيك سايتتاردىڭ ماقساتى - كەزدەيسوق ينتەرنەت- پايدالانۋشىنىڭ جەكە دەرەكتەرىن جيناۋ جانە اقشا ۇرلاۋ. ۇلتتىق بانك مۇنداي جارنامالاردى ەلەمەۋگە، كەرىسىنشە، بۇل كونتەنتتى الاياقتىق دەپ بەلگىلەۋگە، ال جەكە اقپاراتتىڭ تاراپ كەتۋىنە جول بەرىلگەن جاعدايدا الاياقتىق فاكتىسى بويىنشا ءىس تەكسەرىلۋى ءۇشىن ءتيىستى وتىنىشپەن قۇقىق قورعاۋ ورگاندارىنا جۇگىنۋگە كەڭەس بەرەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات