وتاندىق عالىمدار مەديتسينادا اسا قاجەت بيوماتەريال ءوندىرۋدى قولعا الدى

None
None
نۇر-سۇلتان. قازاقپارات - الماتىداعى جانۋ پروبلەمالارى عىلىمي- زەرتتەۋ ينستيتۋتىنىڭ ماماندارى مەديتسينادا اسا قاجەت بيوماتەريالدى ءوندىرۋ تەحنولوگياسىن ازىرلەدى.

گيدروكسياپاتيت مينەرالىنىڭ سۇيەك ءتىنىن جانە ادامنىڭ ءتىس ءەمالىن قالپىنا كەلتىرۋ قاسيەتى بار. بۇل باعىتتاعى زەرتتەۋلەر ەلىمىزدە 10 جىلدان استام ۋاقىت جۇرگىزىلىپ كەلەدى. جوبانى «قازاق عىلىم قورى» قولداپ، بيوماتەريالدى ءوندىرۋ تەحنولوگياسىن ازىرلەۋگە شامامەن 160 ميلليون تەڭگە بولگەن. بۇل قاراجاتقا جانۋ پروبلەمالارى عىلىمي- زەرتتەۋ ينستيتۋتىندا زاماناۋي زەرتحانا سالىنىپ، جابدىقتالدى. عىلىمي تابىستىڭ باستى ەرەكشەلىگى - گيدروكسياپاتيت تابيعي ماتەريالدان، جۇمىرتقا قابىعىنان الىنادى. بۇل شەتەلدىك بالامالاردان ءۇش ەسە ارزان. ماسەلەن، وتاندىق ءونىمنىڭ ءبىر گرامى 10 مىڭ تەڭگە تۇرادى. ال قىتاي ەلىنەن اكەلىنەتىن گيدروكسياپاتيتتىڭ ءبىر گرامى 30 مىڭ تەڭگە. قازىر ينستيتۋت ماماندارى دارىلىك زاتتىڭ يمپورتىن الماستىرۋ ماقساتىندا وتاندىق ءتىس دارىگەرلەرىمەن تىعىز بايلانىستا جۇمىس ىستەۋدە.

ماقسۇت تەمىربايەۆ، ءتىس دارىگەرى، پروفەسسور:

- گيدروكسياپاتيت دەگەن مينەرال بىزدە كوپ سالالاردا پايدالانۋعا مۇمكىنشىلىك بار. ونى پايدالانىپ تا كەلە جاتىرمىز. مىسالى، تراۆماتولوگيادا سۇيەكتى ەمدەۋ، سوسىن ستوماتولوگيادا ءتىس ەمدەۋ يمپلانتاتسيا جاساعان كەزدە بۇل گيدروكسياپاتيتتى اقاۋلاردىڭ ءبارىن بىتەۋگە جاقسى اسەر ەتەدى دە سول كەزدە ول ادامنىڭ ەتى سياقتى ورگانيزم قابىلدايدى ونى.

www.24.kz


سوڭعى جاڭالىقتار