ديماشتى جاقسى كورەتىن رەسەيلىك قىز تەگىن قۇدايبەرگەنوۆا دەپ وزگەرتىپ الدى

نۇر-سۇلتان. قازاقپارات - رەسەيدىڭ روستوۆ وبلىسى شاحتى قالاسىنىڭ تۇرعىنى كريستينا الەكسەەنكو تانىمال قازاقستاندىق ارتىسكە دەگەن سۇيىسپەنشىلىگىنە بايلانىستى تەگىن رەسمي تۇردە كۋدايبەرگەنوۆا دەپ اۋىستىرعان، - دەپ حابارلايدى Liter.kz.

«مەن ديماشتى جاقسى كورەمىن. ول كەرەمەت ادام، تالانتتى ءانشى. مەن ودان 3 اي 1 كۇن ۇلكەنمىن. ونى العاش رەت 2019 -جىلدىڭ 7-قىركۇيەگىندە اندرەي مالاحوۆتىڭ «پريۆەت، اندرەي!« شوۋ باعدارلاماسىندا كوردىم. شىعارىلىم يگور ياكوۆليەۆيچ كرۋتويدىڭ مەرەيتويىنا ارنالدى. ديماشتى كورگەندە بىردەن ۇناتتىم، كوزىنە عاشىق بولدىم. باعدارلامادا شىرقاعان «زناي« انىنە، داۋىسىنا عاشىق بولدىم. وسى كۇنگە دەيىن بۇل مەنىڭ سۇيىكتى ءانىم»، - دەدى بويجەتكەن.

ونىڭ ايتۋىنشا، اتا- اناسى مەن اجەسى قايتىس بولعان كەزدە ونىڭ امان قالۋىنا ديماشتىڭ اندەرى كومەكتەسكەن.

بۇعان دەيىن ديماشتىڭ شۆەيتساريادان كەلگەن جانكۇيەرى ءارتىستىڭ قازاق ءتىلىن ۇيرەنۋىنە تۇرتكى بولعانىن ايتسا، نەمىس راديوسى باعدارلامانى قازاقستاندىق انشىگە ارناعان.

nege.kz