ءاليحان سمايىلوۆ ي ي د م- گە كاسپي پورتتارىنىڭ ەكسپورتتىق الەۋەتىن ارتتىرۋدى تاپسىردى

None
None
نۇر- سۇلتان. قازاقپارات - ماڭعىستاۋ وبلىسىنا جۇمىس ساپارى بارىسىندا ۇكىمەت باسشىسى ءوڭىر تۇرعىندارىن سۋمەن جابدىقتايتىن ماڭىزدى كوزدەردىڭ ءبىرى «كاسپي» تۇشىلاندىرۋ زاۋىتىنا باردى، دەپ حابارلايدى ق ر ۇكىمەتىنىڭ باسپا ءسوز قىزمەتى.

بۇگىنگى تاڭدا زاۋىتتا كەڭەيتۋ جوباسى اياسىندا قۇرىلىس- مونتاجداۋ جۇمىستارى جۇرگىزىلىپ جاتىر، بۇل تاۋلىگىنە سۋدىڭ ونىمدىلىگىن 40 مىڭ تەكشە مەترگە دەيىن ارتتىرۋعا مۇمكىندىك بەرەدى. جۇمىستاردى وسى جىلدىڭ سوڭىنا دەيىن اياقتاۋ جوسپارلانىپ وتىر.

«سۋمەن جابدىقتاۋ - ايماق ءۇشىن، اسىرەسە جازعى كەزەڭدە، ەڭ وزەكتى ماسەلەلەردىڭ ءبىرى. جىلدان جىلعا تۇشىتقىش قوندىرعىلار قۋاتىنىڭ جەتىسپەۋشىلىگى سەزىلەدى. وسىعان بايلانىستى ۇكىمەت زاۋىتتىڭ ونىمدىلىگىن ەكى ەسە ارتتىرۋ ءۇشىن ونى جاڭعىرتۋعا 12 ميلليارد تەڭگەدەن استام قاراجات ءبولدى. بۇل ماسەلە مەملەكەت باسشىسىنىڭ باقىلاۋىنا الىنعان. بارلىق جۇمىستى ساپالى ءارى ۋاقىتىندا جۇرگىزۋ قاجەت»، - دەدى پرەمەر- مينيستر.

سودان كەيىن ءاليحان سمايىلوۆ قازاقستانداعى اممياك جانە اممياك سەليتراسىن وندىرەتىن جالعىز كاسىپورىن - «قازازوت» ا ق- عا بارىپ، وندا جاڭا بەيتاراپتاندىرۋ جانە بۋلاندىرۋ بولىمشەسىن ىسكە قوسۋ راسىمىنە قاتىستى. پرەمەر- مينيستر ۇكىمەت ەلىمىزدىڭ ونەركاسىپتىك دامۋىن ىنتالاندىرۋ بويىنشا كەشەندى شارالار قابىلداپ جاتقانىن ايتتى. سونداي- اق پرەمەر- مينيستر جۇمىس ساپارى بارىسىندا كاسپيي تەڭىزىنىڭ شىعىس جاعالاۋىندا بىرنەشە حالىقارالىق كولىك دالىزدەرىنىڭ قيىلىسۋ نۇكتەسىندە ورنالاسقان اقتاۋ تەڭىز ساۋدا پورتىنا باردى.

«ماڭعىستاۋ وبلىسىنىڭ حالىقارالىق ماڭىزى بار، اۋقىمدى كولىك- لوگيستيكالىق جانە ينفراقۇرىلىمدىق- سەرۆيستىك الەۋەتى زور. الايدا ەلىمىزدىڭ تەڭىز پورتتارىنىڭ مۇمكىندىكتەرى تولىق پايدالانىلمايدى، ال جۇكتەمە ورتا ەسەپپەن %21 دى عانا قۇرايدى. بۇل جاعدايدى وزگەرتۋ قاجەت. يندۋستريا جانە ينفراقۇرىلىمدىق دامۋ مينيسترلىگى «قازاقستان تەمىر جولى» اق- مەن بىرلەسىپ، ترانسكاسپي حالىقارالىق كولىك باعىتى بويىنشا ەكسپورتتىق جۇكتەردى باعىتتاۋ ارقىلى اقتاۋ جانە قۇرىق تەڭىز پورتتارىنىڭ جۇكتەمەسىن ۇلعايتۋ ماسەلەسىن پىسىقتاۋى قاجەت»، - دەدى ءاليحان سمايىلوۆ.


سوڭعى جاڭالىقتار