USD 429.57 EUR 447.35
RUB 6.94 CNY 63.23
جاڭالىقتار

بارلىق بالاباقشا تاربيەشىلەرىنە جەڭىلدىكپەن ءۇي الۋ مۇمكىندىگىن بەرۋ ۇسىنىلدى

13 مامىر 15:49
:ءبولىسۋ
بارلىق بالاباقشا تاربيەشىلەرىنە جەڭىلدىكپەن ءۇي الۋ مۇمكىندىگىن بەرۋ ۇسىنىلدى

نۇر- سۇلتان. قازاقپارات - جەكەمەنشىك بالاباقشالاردىڭ تاربيەشىلەرىنە دە جەڭىلدىكپەن باسپانا الۋ مۇمكىندىگىن بەرۋ كەرەك.

بۇل تۋرالى قازاقستاننىڭ ۇزدىكسىز ءبىلىم بەرۋ قاۋىمداستىعىنىڭ ءتوراعاسى لەيلا كۇلەنوۆا ايتتى، دەپ حابارلايدى قازاقپارات ءتىلشىسى. قاۋىمداستىق باسشىسىنىڭ ايتۋىنشا، ەلىمىزدە بالاباقشالاردىڭ تاربيەشىلەرى ءۇشىن زاڭنامادا بىلىكتىلىكتەرىنە تولەمدەر مەن ۇستەمەاقى قاراستىرىلعان. الايدا، بيۋدجەتتە بۇل ماقساتقا قاراجات قاراستىرىلمايدى.

«اكىمدىك مەملەكەتتىك بالباقشالارعا قارجىنى جەرگىلىكتى بيۋدجەتتەن بەرەدى. سوندىقتان دا تاربيەشىلەر مەملەكەتتىك بالاباقشاعا جۇمىسقا تۇرۋ ءۇشىن بارلىق مۇمكىندىكتى ىزدەيدى. مۇنىڭ ۇستىنە ولار جەڭىلدىكپەن پاتەر الا الادى. ال ءبىزدىڭ تاربيەشىلەرىمىزدە ونداي مۇمكىندىك تە جوق. ءبىزدىڭ دە تاربيەشىلەرىمىزگە تىم بولماسا جالدامالى پاتەر، جەڭىلدىكپەن نەسيە الۋ مۇمكىندىگى بەرىلسە دۇرىس بولار ەدى. ونىڭ قاي جەردە جۇمىس ىستەگەنىنىڭ ەش ايىرماشىلىعى جوق قوي»، - دەدى لەيلا كۇلەنوۆا.

سونىمەن قاتار قاۋىمداستىق وكىلدەرى جەكەمەنشىك بالاباقشا تاربيەشىلەرىن مەملەكەتتىك تۇرعىن ءۇي باعدارلاماسىنا قاتىسۋشىلاردىڭ تىزىمىنە قوسۋدى ۇسىنىپ وتىر.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات