USD 416.91 EUR 446.47
RUB 7.34 CNY 62.53
جاڭالىقتار

قايرات ساتىبالدىعا قاتىستى قىلمىستىق ىستەر بار - اگەنتتىك

13 مامىر 14:54
:ءبولىسۋ
قايرات ساتىبالدىعا قاتىستى قىلمىستىق ىستەر بار - اگەنتتىك

نۇر-سۇلتان. قازاقپارات – ق ر سىبايلاس جەمقورلىققا قارسى ءىس-قيمىل اگەنتتىگى ءتوراعاسىنىڭ ورىنباسارى ۇلان سارقۇلوۆ قايرات ساتىبالدى مەن ونىڭ بۇرىنعى ايەلى گۇلميرا ساتىبالدىعا قاتىستى تەرگەۋ شارالارى تۋرالى ايتىپ بەردى، دەپ حابارلايدى قازاقپارات ءتىلشىسى.

«اگەنتتىكتە قازىر ءبىرقاتار رەزونانستىق ىستەر قارالىپ جاتىر. مەنىڭ تۇسىنۋىمشە، قايرات ساتىبالدىعا دا قاتىستى قىلمىستىق ىستەر بار، كولىك قىزمەتى ورتالىعىمەن بايلانىستى جەكەلەگەن ەپيزودتار بار. بۇل ىستەر قازىر تەرگەلىپ جاتىر، قايرات ساتىبالدىنىڭ بۇرىنعى جۇبايى گۇلميرا ساتىبالدىعا دا قاتىستى بولەك تەرگەۋ بار. ولار ءالى اياقتالعان جوق. بەلگىلى ءبىر ساراپتامالار تاعايىندالدى. تەرگەۋ تولىققاندى ءجۇرىپ جاتىر»، - دەدى ۇ. سارقۇلوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سپيكەردىڭ ايتۋىنشا، قىلمىستىق ىستەر اياسىندا جاسىرىن تەرگەۋ ماسەلەسى دە بار.

«قىلمىستىق ءىس جۇرگىزۋ زاڭناماسىندا تەرگەۋ مۇددەسى ءۇشىن جاريالاۋعا بولمايتىنى تۋرالى ءتيىستى باپتار بار. وعان تۇسىنىستىكپەن قاراۋدى سۇرايمىز. مۇنداعى ماقسات كەيبىر ەپيزودتاردى جاسىرۋ نەمەسە كەيبىر فاكتىلەردى جويۋ ەمەس، دالەلدەردى تولىق جيناۋ جانە بەكىتۋ ءۇشىن الداعى تەرگەۋ ارەكەتتەرىنە زيان كەلتىرمەۋ. ەكىنشى ماسەلە - ازاماتتاردىڭ كونستيتۋتسيالىق قۇقىقتارى. تەرگەۋ اياقتالعان جوق. پروتسەستىڭ قاتىسۋشىلارى رەتىندە بىزدە ءارتۇرلى ادامدار بار. ولاردىڭ نەگىزگى قۇقىقتىق اكتىلەردە بەكىتىلگەن قۇقىقتارىن بۇزباۋ ءۇشىن وسىنى ايتىپ وتىرمىز. ءۇشىنشى ماسەلە - قىلمىستىق ءىس جۇرگىزۋ زاڭناماسىنىڭ نورمالارىن ەسكەرە وتىرىپ، ءبىز وزگە مالىمەتتەردى جاريالاعانىمىز ءۇشىن زاڭ الدىندا جاۋاپ بەرەمىز»، - دەدى اگەنتتىك ءتوراعاسىنىڭ ورىنباسارى.

ايتا كەتەيىك، قايرات ساتىبالدى مەن قايرات بورانبايەۆتى تۇتقىندا ۇستاۋ مەرزىمى ۇزارتىلدى. بۇدان بۇرىن حابارلانعانداي، سىبايلاس جەمقورلىققا قارسى قىزمەت لاۋازىمدىق وكىلەتتىكتەرىن اسىرا پايدالانۋ جانە «قازاقتەلەكوم» ا ق-نىڭ قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەپ جاتىر. بۇل قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ۋاقىتشا ۇستاۋ يزولياتورىنا قامالعان ەدى.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات