USD 429.57 EUR 447.35
RUB 6.94 CNY 63.23
جاڭالىقتار

كونستيتۋتسيالىق سوت ازاماتتاردىڭ ءوتىنىشى نەگىزىندە ۇكىمەت قاۋلىلارىن قايتا قاراي الادى

12 مامىر 19:13
:ءبولىسۋ
كونستيتۋتسيالىق سوت ازاماتتاردىڭ ءوتىنىشى نەگىزىندە ۇكىمەت قاۋلىلارىن قايتا قاراي الادى

نۇر-سۇلتان. قازاقپارات - ق ر ادىلەت ۆيتسە-ءمينيسترى الما مۇقانوۆا رەسپۋبليكالىق رەفەرەندۋمعا كونستيتۋتسيالىق سوتتىڭ قايتا قاراۋىنا جىبەرىلەتىن نورماتيۆتىك قۇجاتتاردىڭ سيپاتى تۋرالى ماسەلە دە شىعارىلاتىنىن ايتتى، دەپ حابارلايدى قازاقپارات ءتىلشىسى.

«كونستيتۋتسيالىق كەڭەس قازىرگى تاڭدا پرەزيدەنتتىڭ، پرەمەر-ءمينيستردىڭ، پارلامەنت دەپۋتاتتارىنىڭ جانە سوتتاردىڭ وتىنىشتەرىن عانا قاراستىرادى. ەندى ادام قۇقىقتارى جونىندەگى ۋاكىلگە، باس پروكۋرورعا جانە ەڭ باستىسى ازاماتتارعا كونستيتۋتسيالىق سوتقا جۇگىنۋ قۇقىعىن بەرۋ ۇسىنىلادى. بۇل كەز كەلگەن نورماتيۆتىك قۇقىقتىق اكت كونستيتۋتسياعا سايكەستىگى تۇرعىسىنان قارالۋى مۇمكىن دەگەندى بىلدىرەدى»، - دەدى ۆيتسە-مينيستر.

ايتۋىنشا، اتالعان كونستيتۋتسيالىق وزگەرىس مينيسترلىكتەردىڭ قانداي دا ءبىر قاعيدالار مەن ءتارتىپتى بەكىتەتىن بۇيرىقتارى، اكىمنىڭ نورماتيۆتىك اكتىلەرى جانە ءتىپتى ۇكىمەت قاۋلىلارىنا دەيىنگى ماسەلەلەردى قامتيدى.

«قازىرگى تاڭدا ولاردىڭ داۋ-دامايى ازاماتتىق پروتسەستىڭ ەرەجەلەرىنە سايكەس جالپى يۋريسديكتسيا سوتتارىندا جۇزەگە اسىرىلادى. كونستيتۋتسيالىق سوت اكتىنى، ونىڭ ىشىندە سوت شەشىمىن شىعارۋعا نەگىز بولعان زاڭدى قايتا قاراۋعا قۇقىلى بولادى»، - دەدى الما مۇقانوۆا.

بۇگىنگى ۇكىمەت وتىرىسىندا ق ر پرەمەر-ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ كونستيتۋتسيالىق رەفورماعا قاتىستى وتەتىن رەسپۋبليكالىق رەفەرەندۋم وتكىزۋگە قانشا قاراجات بولىنگەنىن ايتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات