رەفەرەندۋمدا ساياسي پارتيانى قولداۋعا تىيىم سالىناتىن لاۋازىم يەلەرى ايقىندالادى
«جەردى، ونىڭ قويناۋىن، سۋدى، وسىمدىكتەر مەن جانۋارلار دۇنيەسىن، باسقا دا تابيعي رەسۋرستاردى حالىق مەنشىگى دەپ جاريالاۋ ۇسىنىلىپ وتىر. حالىق اتىنان مەنشىك قۇقىعىن مەملەكەت جۇزەگە اسىرادى. مەملەكەتتىك ينستيتۋتتار تەك حالىقتىڭ اتىنان وسى رەسۋرستاردى باسقارادى. بۇل جەرگە جەكە مەنشىك رەجيمىنە ەشقانداي جاعدايدا اسەر ەتپەيتىنىن ەسكەرۋ قاجەت. ياعني جەكە مەنشىكتەگى جەر ودان ءارى جەكە مەنشىكتە بولادى. سونداي-اق، كونستيتۋتسيادا بيلىككە قاتىستى ۇقساس رەجيم، يدەيا بار ەكەنىن اتاپ وتكىم كەلەدى. كونستيتۋتسيا بويىنشا بيلىك حالىققا تيەسىلى. الايدا حالىق ءوز بيلىگىن مەملەكەتتىك ينستيتۋتتار ارقىلى جۇزەگە اسىرادى»، - دەدى الما مۇقانوۆا.
ونىڭ ايتۋىنشا، كونستيتۋتسيالىق رەفورما اياسىندا ەل پرەزيدەنتىنەن وزگە دە جوعارى لاۋازىم يەلەرىنە ساياسي پارتيالارعا مۇشەلىك ەتۋىنە تىيىم سالى كوزدەلىپ وتىر.
«كونستيتۋتسيالىق سوتتىڭ، جوعارعى سوتتىڭ جانە وزگە دە سوتتاردىڭ ءتوراعالارى مەن سۋديالارى، ورتالىق سايلاۋ كوميسسياسىنىڭ، جوعارى اۋديتورلىق پالاتانىڭ ءتوراعاسى مەن مۇشەلەرى ءۇشىن ساياسي پارتيادا، كاسىپوداقتاردا بولۋعا، جانە قانداي دا ءبىر پارتيانى قولداۋعا تىيىم سالۋ ۇسىنىلادى»، - دەدى ۆيتسە-مينيستر.
بۇگىنگى ۇكىمەت وتىرىسىندا ق ر پرەمەر-ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ كونستيتۋتسيالىق رەفورماعا قاتىستى وتەتىن رەسپۋبليكالىق رەفەرەندۋم وتكىزۋگە قانشا قاراجات بولىنگەنىن ايتتى.