USD 416.91 EUR 446.47
RUB 7.34 CNY 62.53
جاڭالىقتار

ايەلدەردىڭ زەينەتكە شىعۋ جاسىن تومەندەتۋ ماسەلەسى تالقىلانادى - ەرالى توعجانوۆ

12 مامىر 16:38
:ءبولىسۋ
ايەلدەردىڭ زەينەتكە شىعۋ جاسىن تومەندەتۋ ماسەلەسى تالقىلانادى - ەرالى توعجانوۆ

نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى ەرالى توعجانوۆ ايەلدەردىڭ زەينەتكە شىعۋ جاسىن تومەندەتۋ ماسەلەسى الەۋمەتتىك كودەكس اياسىندا تالقىلاناتىنىن ايتتى، دەپ حابارلايدى قازاقپارات ءتىلشىسى.

«زەينەت جاسىن قىسقارتۋ كەرەكتىگىن كوتەرىپ جۇرگەن ساناتتار شىنىمەن كوپ. بۇل ماسەلە تالقىلانادى. ويتكەنى وبەكتيۆتى تۇردە ايتساق، بۇل وڭاي ماسەلە ەمەس. حالىقارالىق تاجىريبەنى ەسكەرىپ وتىرمىز. حالىقارالىق تاجىريبەدە زەينەت جاسىن تومەندەتۋ تۋرالى اڭگىمە جوق. بۇل تاقىرىپتى شاحتەرلەر عانا كوتەرىپ وتىرعان جوق. مۇگەدەكتىگى بار بالالاردىڭ انالارى دا بۇل ماسەلەنى كوتەرىپ ءجۇر»، - دەدى ۇكىمەت باسشىسىنىڭ ورىنباسارى.

سونىمەن قاتار ول جىل سوڭىنا قاراي الەۋمەتتىك كودەكس قابىلداناتىنىن ەسكە سالدى.

«الەۋمەتتىك كودەكس جىل اياعىنا قاراي قابىلدانادى. وعان دەيىن بىرنەشە تالقىلاۋ جۇرەدى. ايەلدەردىڭ زەينەت جاسى قازىر 60 جاس مولشەرىندە. 2027-جىلعا دەيىن وسى قالىپپەن ۇزارادى. سوندىقتان كۇن تارتىبىندە بۇل ماسەلە تۇر»، - دەدى ەرالى توعجانوۆ.

ايتا كەتەيىك، قازاقستان حالىق پارتياسى ايەلدەردىڭ زەينەت جاسىن 58 جاسقا دەيىن تومەندەتۋ تۋرالى ۇسىنىس كوتەرگەن بولاتىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات