USD 416.91 EUR 446.47
RUB 7.34 CNY 62.53
جاڭالىقتار

گەرمانيا بيزنەسمەندەرى رەسەيدەگى كاسىپورىندارىن قازاقستانعا كوشىرۋگە نيەتتى

12 مامىر 18:21
:ءبولىسۋ
گەرمانيا بيزنەسمەندەرى رەسەيدەگى كاسىپورىندارىن قازاقستانعا كوشىرۋگە نيەتتى

نۇر-سۇلتان. قازاقپارات - گەرمانيا بيزنەسمەندەرى رەسەيدەگى كاسىپورىندارىن قازاقستانعا كوشىرۋگە نيەتتى.

بۇل تۋرالى گەرمان ەكونوميكاسى شىعىس كوميتەتىنىڭ باسقارۋشى ديرەكتورى ميحاەل حارمس ايتتى، دەپ حابارلايدى قازاقپارات ءتىلشىسى.

«قازىردىڭ وزىندە رەسەيدەن قازاقستانعا، ورتالىق ازياعا باعدار جاساپ وتىرعان كومپانيالار جايىندا ەستىپ جاتىرمىز. گەرمان كومپانيالارىنىڭ رەسەيدەن قازاقستانعا قونىس اۋدارۋدى جوسپارلاپ وتىرعانىن دا بىلەمىز. كەيبىرەۋلەردىڭ رەسەيدە سەرىكتەستەرى بولدى جانە ەندى ولار قازاقستاننىڭ مۇمكىندىكتەرىن قولدانعىلارى، قازاقستان نارىعىندا سەرىكتەس تاپقىلارى كەلەدى. ياعني، گەرمان بيزنەسىنىڭ قازاقستان جايلى ويى وزگەرىپ جاتىر جانە قازاقستاندىق نارىققا نازارى ارتا تۇسكەن»، - دەدى ول ەلوردادا وتكەن قازاقستان-گەرمان بيزنەس فورۋمىندا.

وسى رەتتە ول قازاقستاننىڭ الەۋەتى زور ەكەندىگىن، ونى گەرمان بيزنەسى دە مويىندايتىندىعىن باسا ايتتى.

«تاياۋ ۋاقىتتا ۇلكەن وزگەرىستەر بولاتىندىعىن كورىپ وتىرمىز. مەن گەرمان بيزنەسىن بىزگە قوسىلۋعا شاقىرامىن. كوپتەگەن كومپانيا ءقازىردىڭ وزىندە بىزگە جۇگىنىپ جاتىر. بۇل قازاقستاندا جۇمىس ىستەۋ مۇمكىندىگىن قاراستىرىپ وتىرعان بارلىق گەرمان كومپانياسى ءۇشىن جاقسى بەلگى»، - دەدى ميحاەل حارمس.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات