قازاقستان العاش رەت دۇنيەجۇزىلىك وقۋشىلار گيمنازياداسىنا قاتىسادى

نۇر-سۇلتان. قازاقپارات - قازاقستان العاش رەت دۇنيەجۇزىلىك وقۋشىلار گيمنازياداسىنا قاتىسادى.

ەل نامىسىن حالىقارالىق جارىستا سپورتتىڭ 18 تۇرىنەن 234 وقۋشى قورعايدى، دەپ حابارلايدى ق ر ب ع م باسپا ءسوز قىزمەتى.

دۇنيەجۇزىلىك گيمنازيادا-2022 فرانسيانىڭ نورمانديادا قالاسىندا 14-22- مامىر ارالىعىندا وتەدى. سپورتتىق جارىستارعا الەمنىڭ 70 ەلىنەن 16-18 جاس ارالىعىنداعى 3,5 مىڭنان استام وقۋشى قاتىسادى.

«دۇنيەجۇزىلىك گيمنازياداعا قاتىسۋ مەكتەپ سپورتىنىڭ جانە مەكتەپ ليگاسىنىڭ دامۋىنا سەپتىگىن تيگىزەدى. بالالار جىلى جاس سپورتشىلارىمىز ءۇشىن وسىنداي ماڭىزدى وقيعامەن ەرەكشەلەنىپ وتىر. ۇلتتىق قۇراما 296 ادامنان تۇرادى. ونىڭ 234 ءى جاس سپورتشى، 49 ى جاتتىقتىرۋشى، 9-ى تورەشى جانە 4 ەۋى شتاب مۇشەسى. ءبىز سپورتتىڭ 18 تۇرىنەن ونەر كورسەتەمىز. وقۋشىلارىمىز بارىنشا كوپ مەدال الۋعا تىرىسادى. ءبىز سپورت تۇرلەرى بويىنشا مەكتەپ ليگالارىن بەلسەندى تۇردە دامىتامىز. بالالار ول جارىستارعا قۋانا قاتىسادى. وقۋشىلاردىڭ سپورتقا جاپپاي قاتىسۋى - ءبىزدىڭ باستى مىندەتىمىز»، - دەپ اتاپ ءوتتى ق ر ب ع م ۇلتتىق عىلىمي-پراكتيكالىق دەنە تاربيەسى ورتالىعىنىڭ ديرەكتورى ساعدات سادىقوۆ.

ايتا كەتەيىك، حالىقارالىق سپورتتىق جارىستار نورمانديانىڭ 9 قالاسىندا سپورتتىڭ 20 تۇرىنەن وتەدى. قازاقستاندىق وقۋشىلار بادمينتون، 3x 3 باسكەتبول، بوكس، ەركىن كۇرەس، ايەلدەر كۇرەسى، گرەك-ريم كۇرەسى، دزيۋدو، جەڭىل اتلەتيكا، ۇستەل تەننيسى، سپورتتىق باعدارلاۋ، ءجۇزۋ، جاعاجاي ۆولەيبولى، رەگبي، سپورتتىق گيمناستيكا، ساداق اتۋ، تاەكۆوندو، سەمسەرلەسۋ، كوركەم گيمناستيكا سياقتى سپورت تۇرلەرىنەن ونەر كورسەتەدى.