كارىم ءماسىموۆتى قاماۋدا ۇستاۋ مەرزىمى تاعى دا ۇزارتىلدى

None
None
نۇر-سۇلتان. قازاقپارات - ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ءماسىموۆتى قاماۋدا ۇستاۋ مەرزىمى تاعى ءبىر ايعا ۇزارتىلدى.

بۇل تۋرالى ۇلتتىق قاۋىپسىزدىك كوميتەتىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ءتىلشىسى.

وسىعان دەيىن ونى قاماۋدا ۇستاۋ مەرزىمى 2022-جىلدىڭ 6 - مامىرىنا دەيىن ۇزارتىلعان ەدى.

ۇلتتىق قاۋىپسىزدىك كوميتەتىنىڭ تەرگەۋ توبى ك. ماسىموۆكە، ءا. سادىقۇلوۆقا، د. ەرعوجينگە جانە باسقا دا كۇدىكتىلەرگە قاتىستى تەرگەۋ امالدارىن جالعاستىرىپ جاتىر.

«ۇلتتىق قاۋىپسىزدىك كوميتەتى بۇرىنعى ءتوراعاسى ك. ءماسىموۆ پەن ۇ ق ك ءتوراعاسىنىڭ بۇرىنعى ورىنباسارى ءا. سادىقۇلوۆتى قاماۋدا ۇستاۋ مەرزىمى 2022-جىلدىڭ 6- ماۋسىمىنا دەيىن، سونداي-اق تاعى ءبىر ورىنباسارى بولعان د. ەرعوجيندى قاماۋدا ۇستاۋ 13- ماۋسىمعا دەيىن ۇزارتىلدى»، - دەلىنگەن حابارلامادا. بۇدان بۇرىن حابارلانعانداي، ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە قاتىستى وسى جىلدىڭ 6- قاڭتارىندا ۇ ق ك قازاقستان رەسپۋبليكاسى قىلمىستىق كودەكسىنىڭ 175-بابى 1-بولىگىمەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى.

بيىل ناۋرىز ايىندا باس پروكۋرور بەرىك اسىلوۆ ۇلتتىق قاۋىپسىزدىك كوميتەتىنىڭ بۇرىنعى ءتوراعاسى مەن ونىڭ ءۇش ورىنباسارىنا، ەكى بولىمشە باستىعىنا قاتىستى بىرنەشە ءىس قوزعالىپ، تەرگەلىپ جاتقانىن ايتتى.

سوڭعى جاڭالىقتار