قىزىق ءۇشىن قىزعالداقتى كولىكپەن تاپتاعان سارىاعاش تۇرعىنى ۇستالدى

None
None
تۇركىستان. قازاقپارات - تۇركىستان وبلىسىندا كولىگىمەن قىزعالداقتى تاپتاعان كولىك جۇرگىزۋشىسىنە ءتۇسىندىرۋ جۇمىستارى جۇرگىزىلدى، دەپ حابارلايدى قازاقپارات ءتىلشىسى.

الەۋمەتتىك جەلىدە «Toyota» ماركالى كولىكتىڭ قىزعالداقتى تاپتاپ جۇرگەن سۋرەتى تارالىپ جاتىر. اق كولىكپەن قىزىل قىزعالداقتى ەركىن باسىپ تۇرعان جۇرگىزۋشىنىڭ ارەكەتىنە قاتىستى تۇرعىندار ءارتۇرلى پىكىر ءبىلدىرىپ جاتىر.

ال، تۇركىستان وبلىسى پوليتسيا دەپارتامەنتىنىڭ باسپا ءسوز قىزمەتى جابايى دالا قىزعالداعى «قىزىل كىتاپقا» ەنبەگەندىكتەن ەشقانداي شارا قولدانىلماعاندىعىن جەتكىزدى. سوندىقتان ءتارتىپ ساقشىلارى جۇرگىزۋشىگە تەك ءتۇسىندىرۋ جۇمىستارىن جۇرگىزۋمەن شەكتەلگەن. جالپى وقيعا سارىاعاش اۋدانىنىڭ اۋماعىندا ورىن العان. ءتارتىپ ساقشىلارى كولىكتىڭ نومەرى بويىنشا جۇرگىزۋشىنى ىزدەپ تاۋىپتى. ال، كولىك يەسى بۇل ارەكەتىن قىزىق ءۇشىن جاساعاندىعىن ايتقان.

اۆتور: قايرات زاينيشەۆ

سوڭعى جاڭالىقتار