الەمدەگى تانىمال تۋريستىك باعىتتاردىڭ ۇزدىك وندىعى اتالدى
مامانداردىڭ ايتۋىنشا، لاس- ۆەگاس، نيۋ- يورك، چيكاگو جانە لوندون سياقتى ءىرى قالالار ساياحاتشىلار اراسىندا تانىمال بولىپ، كانكۋن، پۋنتا- كانا، گونولۋلۋ جانە مايامي سەكىلدى جاعاجاي باعىتتارىمەن قاتار ءبىرىنشى توقساندا الەمدەگى ەڭ كوپ تاپسىرىس بەرىلگەن ون باعىتقا كىردى.
لاس- ۆەگاس NORA M ءتىزىمىن (كانادا، ا ق ش جانە مەكسيكانى قامتيتىن ەكونوميكالىق ايماق) نيۋ-يوركتەن وزىپ، 2021 -جىلدىڭ ءۇشىنشى جانە ءتورتىنشى توقسانىندا ءبىرىنشى ورىنعا يە بولدى. سونىمەن قاتار، ءۇشىنشى توقسان قاتارىنان نيۋ-يورك بارلىق ايماقتاعى ەڭ كوپ تاپسىرىس بەرىلگەن باعىتتاردىڭ وندىعىنا كىرەدى. قالعان ءۇش ايماق بويىنشا كوشباسشىلار توكيو (APAC: ازيا- تىنىق مۇحيتى جانە جاپونيا)، لوندون (EMEA: ەۋروپا، تاياۋ شىعىس جانە افريكا) جانە مەحيكو (LATAM: لاتىن امەريكاسى) بولدى.
Expedia Group Media Solutions زەرتتەۋشىلەرى 2022 -جىل تۇراقتى ءوسۋ كەزەڭى بولا الاتىنىن اتاپ ءوتتى.
كوۆيد شەكتەۋلەرى السىرەگەن سايىن ساياحاتتار ءجيى قىزىقتىرا باستادى. بۇعان جاھاندىق سۇرانىستار سانىنىڭ ءوسۋى دالەل. ءبىرىنشى توقساندا عالامدىق ىزدەۋ كولەمى الدىڭعى توقسانمەن سالىستىرعاندا 25 پايىزعا ءوستى، بۇل سولتۇستىك امەريكاداعى (NORAM) ءوسىمنىڭ ارقاسىندا 30 پايىزعا، ەۋروپادا، تاياۋ شىعىستا جانە افريكادا (EMEA) 25 پايىزعا ارتتى.
سونداي-اق، عالامدىق ىزدەۋ كولەمى 2021 -جىلدىڭ ءبىرىنشى توقسانىمەن سالىستىرعاندا 75 پايىزعا ءوستى. بارلىق ايماقتا وتكەن جىلمەن سالىستىرعاندا ءوسىم بايقالدى: EMEA ايماعىندا ىزدەۋ كولەمى 165 پايىزعا، NORAM- دا 70 پايىزعا ءوستى. لاتىن امەريكاسىنداعى ءوسىم 50 پايىزدى، ال ازيا- تىنىق مۇحيتى ايماعىندا (APAC) 30 پايىزدى قۇرادى.