USD 416.91 EUR 446.47
RUB 7.34 CNY 62.53
جاڭالىقتار

كاسپي ارقىلى زەينەتاقى مەن جاردەماقى الۋ بۇرىنعىدان دا جەڭىلدەي ءتۇستى

12 مامىر 14:08
:ءبولىسۋ
كاسپي ارقىلى زەينەتاقى مەن جاردەماقى الۋ بۇرىنعىدان دا جەڭىلدەي ءتۇستى

نۇر-سۇلتان. قازاقپارات - ەندى eGov.kz سايتىندا زەينەتاقى نەمەسە جاردەماقى تاعايىنداۋ ءۇشىن ءوتىنىم بەرگەن كەزدە تولەمدەردى Kaspi.kz ارقىلى العىڭىز كەلەتىنىن كورسەتۋگە بولادى.

سونداي-اق، تولەمدەردى الۋ ءۇشىن وتىنىمدە Kaspi-دەگى جەكە شوتىڭىزدى تاڭداي الاسىز. بۇرىن 20 تاڭبالى شوت نومىرلەرىن (IBAN) قولمەن تەرۋ كەرەك بولاتىن. ەندى شوتتار ءوتىنىم بەرۋ بارىسىندا اۆتوماتتى تۇردە كورسەتىلەدى.

زەينەتاقى ءۇشىن Kaspi Gold شوتى پايدالانىلادى. جاردەماقى الۋ ءۇشىن - الەۋمەتتىك شوت كەرەك، ونى Kaspi.kz قوسىمشاسىنداعى «مەملەكەتتىك قىزمەتتەر» بولىمىندە ونلاين رەجيمدە تەز جانە وڭاي اشۋعا بولادى.

الەۋمەتتىك شوتقا تەك مەملەكەتتەن بەرىلەتىن الەۋمەتتىك تولەمدەر تۇسەدى. بۇل ەشكىم بۇعاتتاي المايتىن، قول سۇعا المايتىن شوت. Kaspi.kz-تەگى الەۋمەتتىك شوتتان Kaspi Gold-قا كەز كەلگەن ۋاقىتتا كوميسسياسىز اقشا اۋدارا الاسىز.

Kaspi-دەگى شوتىڭىزدى eGov.kz پورتالىنداعى كەلەسى الەۋمەتتىك مەملەكەتتىك قىزمەتتەر ءۇشىن تاڭداي الاسىز:

1. بالا تۋۋعا جانە بالا كۇتىمىنە بايلانىستى جاردەماقى تاعايىنداۋ؛

2. مۇگەدەك بالانى تاربيەلەپ وتىرعان اناعا نەمەسە اكەگە، اسىراپ الۋشىعا، قورعانشىعا (قورعانشىعا) جاردەماقى تاعايىنداۋ؛

3. مۇگەدەكتىگى بويىنشا مەملەكەتتىك الەۋمەتتىك جاردەماقى تاعايىنداۋ؛

4. اسىراۋشىسىنان ايىرىلۋ جاعدايى بويىنشا مەملەكەتتىك الەۋمەتتىك جاردەماقىلار تاعايىنداۋ؛

5. جەرلەۋگە ارنالعان ءبىرجولعى تولەمدى تاعايىنداۋ؛

6. كوپبالالى وتباسىنا جاردەماقى تاعايىنداۋ؛

7. مەملەكەتتىك بازالىق زەينەتاقى تولەمىن تاعايىنداۋ.

Kaspi.kz كومانداسى بۇل قىزمەتتى سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى، «ۇلتتىق اقپاراتتىق تەحنولوگيالار» ا ق جانە قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىمەن بىرگە جاسادى.

Kaspi.kz كومانداسى مەملەكەتتىك ورگاندارمەن بىرلەسە وتىرىپ، قازاقستاندىقتاردىڭ ءومىرىن جاقسارتاتىن ءبىرقاتار يننوۆاتسيالىق قىزمەتتەردى قوسىمشاعا بىرىكتىرىپ ۇلگەردى.

Kaspi.kz سۋپەرقوسىمشاسىنىڭ كومەگىمەن قازاقستاندىقتار تسيفرلىق قۇجاتتارىنا قول جەتكىزە الادى، كولىگىن قايتا تىركەپ، الەۋمەتتىك شوت اشىپ، جاردەماقى جانە باسقا دا كوپتەگەن قىزمەتتەرگە قول جەتكىزە الادى. Kaspi.kz سۋپەرقوسىمشاسىن اي سايىن 12 ميلليونعا جۋىق قازاقستاندىق پايدالانادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات