الماتى وبلىسىندا كەلىنىن قورعاعان قاريا ۇلىن ءولتىرىپ الدى

نۇر-سۇلتان. قازاقپارات – الماتى وبلىسىندا 69 جاستاعى زەينەتكەر 42 جاستاعى ۇلىن ءولتىرىپ الدى.

پوليتسيانىڭ مالىمەتىنشە، وقيعا قاراتال اۋدانىندا بولعان، 7-مامىردا دويىنشى اۋىلىنداعى جەكە ۇيلەردىڭ بىرىنەن 42 جاستاعى ەر ادامنىڭ ءمايىتى تابىلعان. ونى پىشاقتاپ ولتىرگەن.

جابىرلەنۋشىنىڭ 69 جاستاعى اكەسى قىلمىستى جاسادى دەگەن كۇدىككە ءىلىندى، ونى ءتارتىپ ساقشىلارى كىشى ۇلىنىڭ ۇيىنەن تاپتى. ول كىسى ولتىرگەنىن مويىنداپ وتىر.

قاريا ۇلىنىڭ ۇيىنە وتباسى ماسەلەلەرىن تالقىلاۋعا كەلگەن، بۇل كەزدە ۇلى ايەلىمەن جانجالداسىپ جاتقان.

«ول جانجال شىققان كەزدە كەلىنىن قورعاعانىن ايتتى. وسىدان كەيىن ماس بالاسى جۇدىرىق الا جۇگىرگەن، ال ول اسحانا پىشاعىمەن جاۋاپ قايتارعان»، - دەيدى قاراتال اۋدانى پوليتسياسىنىڭ باستىعى راۋان ءابدىرايىموۆ