ءۇش جاسار بالانى قۇتقارعان ءسابيت شونتاقبايەۆتىڭ دوسى دا باسپانالى بولدى
نۇر- سۇلتان. قازاقپارات - كەشە ەلوردادا 8-قاباتتاعى تەرەزەدەن سالبىراپ تۇرعان بالانى قۇتقارۋعا قاتىسقان ساعي جىلقىشيەۆكە 2 بولمەلى پاتەردىڭ سەرتيفيكاتى تابىس ەتىلدى، دەپ حابارلايدى قازاقپارات ءتىلشىسى.
«پاتەردىڭ سەرتيفيكاتىن الدىم. ءۇي ءالى بىتپەگەن. سول ءۇشىن بۇگىن سەرتيفيكات تاپسىردى. پاتەردى اللا قالاسا الامىز»، - دەپ قۋانىشىمەن ءبولىستى ساعي جىلقىشيەۆ. GBG قۇرىلىس كومپانياسىنىڭ كومفورت+ ساناتتاعى تۇرعىن ءۇيىنىڭ قۇرىلىسى كەلەسى جىلى اياقتالادى. تۇرعىن ءۇي قۇرىلىسىنا مەملەكەتتىڭ كەپىلدىگى بار.
ايتا كەتەيىك، كەشە تاڭەرتەڭ ەلوردادا ۋاقىتشا تۇرىپ جاتقان قىزىلوردا تۇرعىنى 8-قاباتتا تەرەزەدەن سالبىراپ تۇرعان ءبۇلدىرشىندى قۇتقارىپ قالدى. بۇل وقيعانىڭ ۆيدەوسى جەلىدە كەڭ تارالىپ، ءسابيت شونتاقبايەۆتىڭ باتىل ارەكەتىنە كوپشىلىك ءتانتى بولدى.
ق ر توتەنشە جاعدايلار ءبىرىنشى ۆيتسە-ءمينيسترى يبراگيم كۇلشىمبايەۆ ازاماتتى «توتەنشە جاعدايداعى ەرلىگى ءۇشىن» توسبەلگىسىمەن ماراپاتتاسا، نۇر-سۇلتان اكىمى التاي كولگىنوۆ جەكە قابىلداپ، ونىڭ لوكوموتيۆ زاۋىتىنا جۇمىسقا ورنالاستىرىلاتىنىن ايتتى. ال «G- پارك» قۇرىلىس كومپانياسى وعان ءۇش بولمەلى پاتەر سىيعا تارتتى. كەيىننەن سابيتكە كىشكەنتاي قىزدى قۇتقارۋعا ساعي ەسىمدى جىگىتتىڭ كومەك كورسەتكەنى بەلگىلى بولىپ، الەۋمەتتىك جەلى قولدانۋشىلارى وعان دا پاتەر بەرۋ كەرەكتىگىن جازعان ەدى. كوپتىڭ قالاۋى ورىندالىپ، ەندى بۇگىن ساعي دا باسپانا كىلتىن الىپ وتىر.
اۆتور: مارلان جيەمباي
- ماڭعىستاۋدا مەكتەپ بىتىرگەن وقۋشىلار جول اپاتىنا ءتۇستى
- اتىراۋ تۇرعىنى قىمبات كولىكتەردى جالعا الىپ، كەيىن ساتىپ وتىرعان
- تۇسىڭىزدە نارەستە كورۋ قانداي ماعىنانى بىلدىرەدى
- ءسابيت شونتاقبايەۆتىڭ بۇعان دەيىن تاعى ءبىر قىزدى قۇتقارعانى بەلگىلى بولدى
-
بۇگىن 3,6 ميلليون وقۋشى ءۇشىن سوڭعى قوڭىراۋ سوعىلدى
-
ەلوردا اكىمدىگى 713 ميلليون تەڭگەگە سەگىز قۇرىلىس نىسانىن ساتىپ الادى