USD 416.91 EUR 446.47
RUB 7.34 CNY 62.53
جاڭالىقتار

التى جىلدا العاش رەت باعانىڭ ءوسۋى رەكوردتىق دەڭگەيگە جەتتى - ەكونوميكا ءمينيسترى

12 مامىر 12:55
:ءبولىسۋ
التى جىلدا العاش رەت باعانىڭ ءوسۋى رەكوردتىق دەڭگەيگە جەتتى - ەكونوميكا ءمينيسترى

نۇر-سۇلتان. قازاقپارات – ق ر ۇلتتىق ەكونوميكا ءمينيسترى الىبەك قۋانتىروۆتىڭ ايتۋىنشا، كەيىنگى 6 جىلدا العاش رەت ينفلياتسيا كولەمى 13,2 پايىز مەجەدەن اسقان، دەپ حابارلايدى قازاقپارات ءتىلشىسى.

«مىسالى ا ق ش-تا ينفلياتسيا 8 پايىزدان اسىپ كەتتى. بۇل دا ولار ءۇشىن ۇلكەن رەكورد. گەرمانيادا، رەسەيدە، وزبەكستاندا رەكوردتار تىركەلدى. قازاقستاندا دا رەكورد ۇلكەن - ءساۋىردىڭ قورىتىندىسى بويىنشا كەيىنگى 6 جىلدا العاش رەت 13,2 پايىز بولىپ وتىر. ازىق-تۇلىك ينفلياتسياسى جالپى تۇتىنۋ باعالارىنىڭ يندەكسىنە قاتتى اسەر ەتۋدە. ازىق- تۇلىك باعاسى كارانتين كەزىندە لوگيستيكالىق تىزبەكتەردىڭ ءۇزىلىپ، كەينىگى گەوساياسي احۋال بۇل ماسەلەنى ۋشىقتىرىپ جىبەردى. ۇكىمەت پەن ۇلتتىق بانك ءتيىستى شارالار قابىلداپ جاتىر. ينفلياتسيانى اۋىزدىقتاۋعا ارنالعان شارالار كەشەنى بار. ۇلتتىق بانك اقشا- كرەديت ساياساتىن جۇرگىزسە، ۇكىمەت جەدەل جانە جۇيەلى شارالار قابىلداپ جاتىر. ەڭ باستىسى ازىق- تۇلىكتىڭ يمپورتىن الماستىرۋدى 80 پايىزدان 100 پايىزعا دەيىن جەتكىزۋ ماقسات ەتىلىپ وتىر»، - دەدى مينيستر.

سونداي-اق، ول ازىق- تۇلىكتىڭ نەگىزگى تۇرلەرىن قازاقستاننىڭ ءوز ءوندىرىسى بەرىپ وتىرعانىن ەسكە سالدى.

«ءسۇت، ءسۇت ونىمدەرى، نان- توقاش سياقتى ونىمدەر نەگىزىنەن وزىمىزدە شىعادى. كەيبىر ونىمدەر بويىنشا 100 پايىز وتاندىق ءوندىرىس قامتاماسىز ەتىلگەن. ءبىرقاتار ونىمدەر بويىنشا دا وسى مەجەگە جەتۋدى كوزدەلۋدە. اۋىل شارۋاشىلىعى، ساۋدا مينيسترلىكتەرى ءتيىستى جۇمىستار اتقارىپ جاتىر. قانت بويىنشا يمپورتتى تولىق الماستىرىپ وتىرعان جوقپىز. ەلدەگى قانت زاۋىتتار قاجەتتىلىكتى تولىق جابا الماي وتىر. ءبىراق جاڭا زاۋىتتار اشۋ جوسپارى بارى. جارماعا كەلسەك، كوبى وزىمىزدە وندىرىلەدى. نارىقتى تولىق قامتاماسىز ەتۋ ءۇشىن تەك كولەمىن ۇلعايتۋ كەرەك»، - دەدى الىبەك قۋانتىروۆ.

بۇعان دەيىن ق ر پرەمەر-ءمينيسترى ءاليحان سمايىلوۆ الەۋمەتتىك ماڭىزى بار ازىق-تۇلىك تاۋارلارىنىڭ (ءا م ا ت) باعاسىن ۇستاپ تۇرۋ ماسەلەلەرى جونىندەگى كەڭەستە اكىمدەردىڭ وسى باعىتقا جەتەكشىلىك ەتەتىن ورىنباسارلارى جاعدايدى باقىلاپ، ءتيىستى شارالار قابىلداۋى قاجەتتىگىن ايتقان بولاتىن.

اۆتور: ەسىمجان ناقتىباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات