الماتى ەكى ادام وق جاراقاتىمەن اۋرۋحاناعا ءتۇستى
11 مامىر 10:28

الماتى ەكى ادام وق جاراقاتىمەن اۋرۋحاناعا ءتۇستى

الماتى. قازاقپارات - الماتىدا 39 جاستاعى ەر ادام ەكى تانىسىنا تراۆماتيكالىق تاپانشادان وق اتتى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتى فاكتىنى راستادى. مەدەۋ اۋداندىق پوليتسيا باسقارماسى تەرگەۋدى باستادى.

«بۇل فاكت ق ر قىلمىستىق كودەكسىنىڭ 293-بابى 3-بولىگى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلدى. كۇدىكتى - 1983 -جىلى تۋعان ۋ. ەسىمدى ازامات ۇستالىپ، قاماۋعا الىندى. بەلگىلى بولعانىنداي، مەدەۋ اۋدانىنا قاراستى شاعىن اۋدانداردىڭ بىرىندە تۇراتىن ءۇش ەر ادامنىڭ اراسىندا جانجال تۋىنداعان. 39 جاستاعى تۇرعىن تراۆماتيكالىق تاپانشادان 1973 -جىلى تۋعان ب. جانە 1973 -جىلى تۋعان گ. ەسىمدە ەكى ادامعا وق اتتى»، - دەدى مەدەۋ اۋداندىق پوليتسيا باسقارماسىنىڭ باستىعى داۋرەن وتەبايەۆ.

پوليتسيا وكىلىنىڭ ايتۋىنشا، زارداپ شەككەندەر اۋرۋحاناعا جاتقىزىلدى. قىلمىستى تەكسەرۋ ءۇشىن تەرگەۋ- جەدەل توبى قۇرىلدى.

اۆتور: الما مۇقانوۆا

جاڭالىقتار