15:18, 10 - مامىر 2022 | GMT +6
الماتىدا قاسىم حان بەينەلەنگەن مۋرال پايدا بولدى
الماتى. قازاقپارات - قاسىم حان بەينەلەنگەن الىپ كارتينا قابدولوۆ جانە وتەگەن باتىر كوشەلەرىنىڭ قيلىسىندا ورنالاسقان Grand Park ساۋدا كەشەنىنىڭ قابىرعاسىنا سالىندى، دەپ حابارلايدى قازاقپارات.
«اتالعان مۋرال ش. ايمانوۆ اتىنداعى «قازاقفيلم» كينوستۋدياسىنىڭ تاپسىرىسى بويىنشا سالىندى. بۇل مادەني ءىس- شارا رەجيسسەر اقان ساتايەۆتىڭ «ۇلى دالا تاڭى» ءفيلمىنىڭ پروكاتقا شىعۋىنا وراي ۇيىمداستىرىلعانىن ايتا كەتۋ كەرەك. مۋرالدى جاس سۋرەتشىلەر كارينا ازيمجانوۆا مەن گافۋرا قايىربەكوۆا كەسكىندەدى. ولاردىڭ ايتۋىنا قاراعاندا، قاسىم حاننىڭ بەينەسىن سالۋعا ءبىر اپتا جانە 120 دانا باللون بوياۋ كەتكەن ەكەن»، - دەپ جازدى ۆەدومستۆودان.
ەستەرىڭىزگە سالا كەتسەك، «ۇلى دالا تاڭى» تاريحي فيلمى 12-مامىردان باستاپ ۇلتتىق پروكاتقا شىعادى.